Khwab Ki Tabeer Online

Is post mein ap har khwab ki tabeer online post mein aap wo tamam khwabon ki tabeer parhenge jo “S” alfaz se shuru hote hai. Misal ke taur par “S” se Saanp ya phir Shadi khwab mein dekhna kaisa hota hai? → Islamic Dream Interpretation Meaning-Khwab ki Tabeer

Mere Har Khwab Ki Tabeer Online

Is page par apko “S” alfaz ke tamam khawabon ki tabeer ke bare mein parhne ko milega.

ALLAH ke Paighamber Mu’hammad ﷺ ne farmaya jiska mafhoom hai:

“Jaise-jaise duniya ke khatme ka waqt hota jayega, khwab uljhan ka shikar hote jayenge. Sab se sachche khwab sachche insan ke aate hain. Taham, agar koi shakhs kisi na-pasand cheez ko khwab me dekhta hai, usay is khwab ke bare me kisi se zikr nahi karna chahiye, aur fauri taur par apna bistar chhor kar nifl namaz ada karni chahiye.”

Khwab Ki Iqsaam (Kitne Qism Ke Hote Hai)

Khwab aam taur par teen (3) tarah ke hote hain.

  1. Aise khwab hote hain jinme ALLAH Ta’ala ki taraf se bashaarat (achhi khabar) di jati hai.
  2. Aise khwab hote hain jo kisi shakhs ki khwahishaat aur shok ki wajah se aate hain.
  3. Aise takleef dah khwab hote hain jo shaitan ki taraf se aate hain.

Khwab dekhne ke bad insan ya to khushi ke ahsas ke sath jagta hai ya phir khauf aur kapkapaahat ke sath aankh kholta hai.

Ab ham khwabon mein jo nazar ata hai unki tabeer ke bare mein padte hai.

Yahan dekhiye→ Marne Ke Bad Ki Dua

Sanp

Khwab me sanp dekhna us shakhs ki taraf ishara karta hai jo kisi wadi me rahta hai. Isse murad apne susral, bachchon se dushmani hai aur isme hamsayon ke shar aur hasad ki taraf ishara bhi ho sakta hai. Amooman khwab mein sanp dekhne se murad dushmano aur haasidon ki taraf ishara hai.

Soya Hua Sanp

Khwab mein soye hue sanp ko khwab me dekhne se murad soya hua dushman hai. As for an unjust person,

Pani Mein Sanp

Khwab mein pani mein sanp dekhna kisi ki taraf se madad milne ka ishara hai, ya phir ye kisi faisle ki taraf ishara bhi ho sakta hai.

Sanp Ki Milkiyat Mein Hona

Khwab mein sanp ka malik hone se murad taqat aur iqtadaar hasil karna hai.

Sanp Ko Maarna

Khwab mein sanp ko maarna aur khud ke hath sanp ke khoon se bhare hue dekhne se murad apne dushman ka khatma hai.

Sanp (Sadak Par Mare Hue) Dekhna

Khwab mein sadak par mare hue sanp dekhna jang ki taraf ishara hai.

Sanp (Chhota) Dekhna

Khwab mein chhote sanp ko dekhna ek chhote bachche ki taraf ishara karta hai.

Safed Sanp

Khwab mein safed sanp ko dekhna ek kamzor dushman ki taraf ishara karta hai.

Sanp (Kale Rang Ka)

Khwab mein kala sanp dekhna ek mazboot/bade dushman ki taraf ishara karta hai.

Sanp Ka Shikar Karna

Khwab mein sanp ka shikar karne se murad apne dushmano ki shikast/haar hai.

Sanp Ki Khaal (Sone Se Bani Hui) Dekhna

Khwab me sone se bani hui sanp ki khaal dekhne se murad chhupe hue khazane ko pana hai.

Sanp Ka Kisi Shakhs Ko Nigalna/Khana

Agar khwab mein sanp kisi shakhs ko nigal/kha jata hai, isse murad hai ke wo shakhs kisi taqatwar muqam par pauhanchega.

Sanp Ko Sar Par Baithe Dekhna

Agar koi shakhs sanp ko apne sar par baithe hue dekhta hai to isse murad hai ke wo iqtadaar me login se izzat hasil karega.

Sanpo Se Bhara Khet

Agar koi khwab me Sanpo se bhara hua khet dekhta hai to isse murad tabaahi ki barish hai.

Sanp Baagh Mein

Agar koi shakhs apne baagh ko sanpo se bhara hua dekhe to isse murad hai ke us baagh ke darakht mamul se zyada phal paida karenge aur faslon ki bhi khoob paidawaar hogi.

Sanp Bil Se Bahar Aana

Khwab me sanp ko apne bil se bahar aate dekhna bete ki taraf ishara karta hai.

Sanp Ko Ghar Se Nikalte Dekhna

Khwab me sanp ko apne ghar se bahar jate dekhne se murad tabaahi hai.

Yahan wazifa to make impossible to possible dekhiye!

Sanp Ko Maarna

Khwab me sanp ko maarne se murad shadi ki taraf ishara hai.

Lambe, Chipte, Munh Ki Taraf Se Bareek Aur Dumm Ki Taraf Se Mote Keede Jo Aanton Mein Hote Hai Aur Pakhana Ke Raste Se Nikalte Hain

Khwab mein pet aur aant ke kheedon ko dekhna apne bachchon aur rishtedaro ki taraf ishara karta hai.

Sanp Sahraayi (Registan ka)

Khwab mein sahraayi sanp dekhna shaahra/sadak par daakuon ki taraf ishara karta hai.

Shadi/Marriage

Khwab mein shadi dekhna ALLAH Ta’ala ki Apne bandon par Rahmat aur Karam ki alamat hai. Khush-haali aur achhe muqam ki alamat hai. Khwab mein shadi dekhne ka ishara qaid, diwaaliya/qarze ka bojh, gham, pareshani, zehni dabaw aur ek achhe auhde/jagah hasil karne ke liye koshish ki taraf bhi ho sakta hai.

Yahan Wa tu Izzu Man Tasha Wa Tu Zillu Man Tasha dekhiye!

Waqif/Ghair Waqif Aurat Se Shadi

Agar koi shakhs khwab mein khud ko kisi waqif/jan pahchan wali aurat se shadi karte hue dekhta hai to isse murad hai ke wo apne khawand hone ki tamam zimmedariyon ko pura karne ki koshish karega. Aur agar kisi shakhs ki khwab mein kisi ghair waqif aurat se shadi hoti hai jabki wo us aurat ko dekh nahi pata, to uski maut ka waqt qareeb hone ki taraf ishara hai. Ya phir iska matlab ye bhi ho sakta hai ke wo purane ghar se naye ghar me muntaqil hoga.

Shadi Shuda Aadmi Ki Dusri Shadi

Agar ek shadi shuda aadmi khwab mein apni dusri shadi hote hue dekhta hai to ye uske liye nafa/fayedah ki alamat hai.

Shadi Shuda Aurat/Hamila Aurat Ki Shadi

Shadi shuda aurat ka khwab me apni shadi hote dekhna achhi alamat hai. Agar ek hamila aurat khwab me khud ki shadi hote dekhti hai to isse murad hai ke wo beti ko janam degi. Aur agar wo khwab mein shadi ki pahli raat dekhti hai to isse murad hai ke wo bete ko janam degi.

Shadi-Apni Biwi Ki Kisi Aur Shakhs Ke Sath

Agar koi shakhs khwab mein apni biwi ki kisi aur shakhs se shadi hote hue dekhta hai to uska ghar mein khush-haali aur daulat aane ki taraf ishara hai.

Maut

Kunware Ladka/Ladki Ki Maut

Khwab me kanware/ghair shadi shuda insan ki maut dekha shadi ki alamat hai.

Walidain Ki Maut

Zaheri aur roohani taur par kharabi ki alamat hai.

Walid/Walidah Ki Maut

Khwab mein walid ki maut dekhna rozgar ka khatra ki taraf ishara hai. Walidah ki maut dekhna gham, pareshani aur maqaasad ke na pura hone ki alamat.

Bete Ki Maut

Khwab mein bete ki maut dekhna apne dushman se nijat ya hifazat ki alamat hai. Iska ishara warasat ki taraf bhi ho sakta hai.

Beti Ki Maut

Khwab mein beti ki maut dekhna mayusi ke khushi me badalne ki taraf ishara hai.

Biwi Ki Maut

Ek taraf paise kamane aur khud-mukhtar hone ki alamat hai aur dusri taraf rozgar khone ki alamat bhi hai. Amooman ye achha khwab samjha jata hai.

Hamila Aurat Ki Maut

Bete ki paidayesh ki taraf ishara hai jo ke uske liye khushi aur fayedah ka sabab banega.

Rishtedar/Shauhar Ki Maut

Qabiliyat mein aur kami hogi

Anjan Shakhs Umr Daraz Shakhs Ki Maut

Lakh koshishon ke bawajood kuch natija nahi niklega.

Khwab Mein Latrine/Potty/Pakhana/Toilet Dekhna Kaisa Hai?

Agar koi shakhs apne khwab me ek baar ya kayi bar gutter yani kisi bhi tarah ka toilet ya baitul khala dekhe to iski ye alamat ho sakti hai ke wo uski rozmarra ki zaruraiyat poori na ho payegi ya phir badi mushkil ke sath uski zaruriyat poori hongi. Ye pareshaniyon ki alamat ho sakti hai.

Koi khwab mein khud ko toilet ya gande naale me girte hue dekhe to iski ye alamat bhi ho sakti hai ke use qaid ho jayegi. Ya phir use kisi bhi tarah ki had mein qaid rahna padega. Ap khud dekhen aur mehsoos karen wo kis tarah ki qaid hai.

Koi khwab mein ye dekhe ki wo potty kar raha hai to uske gunahon mein mubtila hone, badnaam hone ya beizzat hone ki alamat hai.

Ya ye bhi ke wo bure aur fahash kalami karega. Kul milakar ye bad a’amaliyon ki taraf ishara karta hai.

Koi khwab mein khud ko potty yani paikhana karte hue dekhe to ye alamat hai ke uski uljhano ka bojh kam ya khatm hongi ya uski pareshaniyan aur gham door ho jayenge.

Khwab me potty yani paikhana khana ya dekhna zyada paise ki ta’adad apni sehat par kharch hone se bhi ho sakti hai.

Agar apko post pasand aye to apno se share zarur kijiyega.

Join ya ALLAH Community!

FB Page→ yaALLAHyaRasul

FB Group→ yaALLAHU

Subscribe to YouTube Channel→ yaALLAH Website Official

Instagram par Follow Kijiye instagram.com/yaALLAH.in

6 Comments on

  1. Mene sehri ke bad ek sapna dekha jisme mene Kai saitano ko bhaga bhaga ke unka katal kar diya mujhe apne sapne ki tabeer Janna chahta hoo

  2. Mard ko aurat ka naya libaas pehne dekhna kesa hai khuwab me kiya tabeer hai

  3. Khawab mein kisi mara hua aadmi ka nikah dekhna kisi khoobsurat ladki se iski tabeer kya hogi

  4. Assalamualikum Maine khana me ek kisi anjaan ldki ko mujhe apna hop or ye mera sb kuch h ye kah kar usne apne rishte raron se Milwa rhi h or hm dono ek dusre ka hanth pakd kr maszid bhi gay
    Usne itna piyaar dikhaya or bharosa ki Mai abhi tb us khab ko nhi bhul pa rha hu koi mujhse itna piyaar kre ki sab ke samne piyaar ka ijhaar kre or shadi ke liye sb se milwaye plz iska tabir bataye bahot bahot preshan hu

  5. Assalamualaikum
    Maine khawb mai dekha keh mai apne pooray khandan ky sath yani meri family saath mai sab mamu ki family sath mai nana naani aur sab khalayein, hum sab mil kr kahin ghoomne jaaty hain. Zoo type jagah hoti hai bohatttttt baari. Hum sab khushi khushi wahan jaaty hain. Kuch deir ghoomne ky baad hum sheir dekhne jaaty haiin… Wo wala area chatt py hota hai. Wahan baaray baaray pinjray hoty hain jinn mai janwar soo rhy hoty hain. Aik pinjray mai aik gray color ka shair soo raha hota hai mgr uska pinjra khula hota hai aur wo kafi baara hota hai. Hum dekh ky ghabra.jaaty hain aur sochty hain keh iss se phele koi garrbarr ho yahan se chalty hain… Chup chaap hum neechy utar jaty hain

    Jab mai jaane lgti hoon tou mujhy shair ky dhaarne ki awaz aati hai, wo jaag chuka hota hai… Mai peechy murr ky dekhti hoon tou humari family mai se aik bachi abhi wahin beth ky khel rahi hoti hai… Wo mujhse thori si doori pr hoti hai. Mai usko halki si awaz deti hoon pr wo nahi sunti… Itni deir mai shair apne pinjray se bahir aata hai aur humein dekh leta hai… Mai fatafat bhaag ky uss bachi ko utha ky darwazay se bahir ly aati hoon aur phir zorr se darwaza band krdeti hoon. Dusri trf sheir darwaza kholne ki koshish krta hai. Mai bohat he mushkil se darwazay ko lock krke neechy aajati hoon…

    Neechy hum sab bikhar chuky hoty hain kuch log khaane peene chalay jaaty hain mard alag hojaty hain aur auratein alag… Ab ooper sheir darwazay ko kind of baja raha hota hai yaani awaz aarahi hoti hai. Mai soch rahi hoti hoon keh jldi yahan se chalein. Sath he mujhy ye khayal aaraha hota hai keh idhr ki intezamia kuch krr kyun nahi rahi. Itne mai aik larki (jisko hum nahi jaanty) ooper jaati hai… Mai usko rokti hoon pr wo kehti hai janwaron ko free rehne ka haq hai aur jaaky darwaza khol deti hai… Aik dam khamoshi. Mai apni jagah freeze hoky sunn rahi hoti hoon. Phir aik dam cheekhon ki awaz. Shair uss larki ko maar deta hai phir mujhy uska saya nazar aata hai. Mat fatafat uss kamray mai ghuss jati hoon jidhr khawateen thein aur foran se lock krdeti hoon saaray darwazay achi trh. Phir mai dekhti hoon kamray mai kon kon nahi hai. Mai apne bhai ko phone krti hoon jo golgappay lene gya hua tha kuch bacho ky sath. Mai usko btati hoon keh foran kahin chupp jao aur bahir na nikalna. Ese he mai kuch aur logon ko inform krti hoon. Phir khirki se bahir dekhti hoon tou mere chotay behan bhai aur cousins khel rhy hoty hain. Meri tou jaan nikal jati hai… Mai unko wahin se awaz deky mutawaja krti hoon, itne mai ooper se 1 ky baad lash girti hai… Takreeban 3-4… Mai darwaza khol ky bacho ko fatafat andar bulati hoon. Shukr hai sab sahi salamat aajaty hain andr. Larkay alag kamray mai chaly jaaty hain aur bachian mere pas aajati hain. Mai phirse darwaza achy se band krdeti hoon. Ab hum sab khamoshi se intezar krr rhy hoty hain… Sheir neechy aajata hai logon ko maar raha hota hai… Humare room mai aik aur lady hoti hai wo darwaza khol ky dekhne lgi thi tou maine ussy rok dia keh jo marzi hojaye ye ghalti nahi krni. Wo rukk jati hai… Lekin phir sheir humare darwazay py warr krta hai… Lakri ka darwaza hota hai usky tootne ky asaar nazar aarahy thy… Mai darwazay ko andr se zorr lga ky band rakhne ki koshish krti hoon. Hum sab bohat darray hoty hain. Neechy se shair ka moun nazar aane lgg jata hai… Mai sochti hoon keh kash kisi ky pas gun hoti abhi isko maar dety mgr kisi ky pas gun nahi thi aur dua krti hoon keh intazamia mai se koi aaky kuch kre… Mgr aik dam realize hota hai keh intazamia ne jaan boojh kr issy khula chora, yaani wo log evil thy aur humari madad nahi krne walay thy… Itne mai hum mai se kisi khatoon ne bijli ki taar ko kaata, aagy se nanga kia aur sheir ky moun mai daal dia
    .. sheir ko shock lga aur wo girr gya… Hum abhi thora sa relax hue thy keh shair dubara uth gya aur iss se phele wo andr aane mai qamiyab hota meri aankh khul gyi…

    Ye bohat drawna khawb tha jab mai jaagi tou mera jism bohat garam tha aur gala aik dam sookha hua… Iski kya tabeer hai?

Leave a Reply

Your email address will not be published. Required fields are marked *