Salatul Tasbeeh Ki Namaz-Procedure Of Salatul Tasbih

Recently updated on October 25th, 2018

Salatul Tasbeeh Ki Namaz-Procedure Of Salatul Tasbih
5 (100%) 16 votes

Salatul Tasbeeh Ki Namaz Ka Tarika-Procedure Of Salatul Tasbih

Salatul tasbeeh ki namaz bahot maqbool hai. Iski bari ahmiyat hai. Iski khoob fazilat hai. Salatul tasbeeh namaz kuch makrooh waqt mein nahi padhe. Aage tafseel se aap parhenge. Aur jab iske bad dua mangenge to beshaq qubool hogi.


Bismillah hirRahmaan nirRaheem
With The Name of ALLAH, The Gracious and The Merciful
SallALLAHU ‘Alayhe Wasallam

Salatul Tasbeeh Ki Namaz


Bismillah hirRahmaan nirRaheem
With The Name of ALLAH, The Gracious and The Merciful
SallALLAHU ‘Alayhe Wasallam

What is Salatul Tasbih?

Salatul Tasbih Kya Hai? 

Salat– Namaz+Tasbih– ALLAH ki hamd-o-sana ya Zikr.

Salatul tasbih se muraad hai ‘tasbih ki namaz’ se hai. Jaisa ke salatul tasbih namaz ke naam se hi zahir hota. Ye ek aisi salah (namaz) hai jis mein ek khas tasbih ka parhna shamil hai. Khas ye isliye kahi jati hai kyonke is salat mein ALLAH ki hamd-o-sana ki jati hai. ALLAH ki tareef bayan ki jati hai. Aur ye tareef ek wird mein hota hai jo ek tayshuda ta’adaad mein hi parha jata hai.

Is khas tasbih ki be panah fazilat hai. Salah tasbih bohat hi aham aur fazilat wali namaz hai. Ye ek khas nifl namaz hai aur behtareen nifli ibadaat mein iska shumar hoti hai. Islams Praying Importance and Offering Namaz yahan dekhiye.

Salatul Tasbeeh Ki Namaz Ka Tarika yani ye namaz kaise parhi jati hai ise ham tafseel mein aage parhenge.

Salatul Tasbih Ki Namaz Ki Fazilat o Ahmiyat

Salatul Tasbih, jis namaz mein ALLAH ka zikr hota hai. Kya ap salah ki ahmiyat aur iski fazilat janna nahi chahenge?

Aur agar aapne iski ahmiyat jaan li aur iski fazilat aapne agar yahan sunli to is salatul tasbih ki namaz ko aap parhna qatayi nahi chhorenge. Har roz parhenge, ji ha har roz. Tahajjud Prayer in Islamic Religion Methods Benefits in Hadith yahan dekhiye.

ALLAH ka zikr, hamd-o-sana jab jahan hota hai to tamam farishte masroor ho jate hai. Farishte jab kahin ALLAH ka zikr hota hai, to ALLAH se kehte hai ke ya ALLAH apka falan banda falan jagah par apka zikr apki hamd-o-sana mein masroof hai. Aur ye farishte ALLAH ke pas paigham lekar jate hai. Paigham us salatul tasbih ada karne wale ki janib se. ALLAH ko khabar pahuch jati hai.

Bas, phir ALLAH Subhanahu Wata ‘Ala in farishton ko ibadat karne wale ke liye inaam dene ka hukm kar dete hai. Aur ye farishte ALLAH ke hukm tameel karne mein lag jate hai.

Salatul Tasbeeh mein rakat sirf Chaar (4) hoti hai. Jin par mushtamil ye nifl namaz apne andar be panah savab aur fazilat ikattha kiye hue hai. Aur ham gunahgaron ke liye ALLAH se maafi hasil karne ka zariyah hai ye. Apni bakhshish aur raah e nijat hai ye tasbih salat.

ALLAH ke zikr mein lutf milta hai, duniya se banda ghafil hota chala jata hai. Aur wo zikr uske savab kamane ka ek asaan sa zariya ban jata hai. Esi hai is salatul tasbih ki namaz ki fazilat. Islams Praying Importance and Offering Namaz yahan dekhiye.

Gunahon ki bakhshish ka samaan hai ye tasbih ki namaz. Tasbih salah ke parhne se sagheera aur yahan tak ke kabeera gunah tak mu’af ho jate hain, Insha ALLAH. Bas parhne mein wo khuloos, taqwa aur wo bandgi ka jazba paida ho. Salah salatul tasbih har tarah ke gunahon ki bakhshish ka zariya banti hai.

Chahe bande ke kitna hi bad se bade gunah kyon na kiya ho. Bas ke ALLAH Ta’ala ki Rahmat se mehroom na rahe. Aur mayoos na ho. Ummid rakhe. Us bande ki zindagi ke agle aur pichle gunah, jaan kar (jaan boojh kar kiye gaye, ya ghalti se hone wale gunah) ya phir anjane me kiye hue gunah. Yahan tak ke ese-ese gunah jo banda kar ke bhool tak chuka ho. Use ese gunah yad bhi na rahe ho.

Gharz ke har tarah ke gunah is tasbih namaz ki fazilat se mu’af ho jate hain. Beshak, ALLAH Zille Shanahu Bada hi Ghafoorurraheem hai. Salatul tasbih namaz ki adayegi mein khas khayal rakha jaye. Koi kotahi nahi barti jaye.

Khoob ache tareeqe aur aqeedat ke sath parhi jaye to isse bohat savab hasil kiya ja sakta hai. Tamam gunaho ki bakhshish bhi hasil ki ja sakta hai, Insha ALLAH, Ameen.

Is post ka PDF version yahan dekhiye How to Perform Salatul Tasbih pdf

Hadees Ki Roshni Mein Salatul Tasbeeh

Salatul Tasbih Namaz Ki Fazilat o Ahmiyat Hadees Shareef Ki Roshni Mein

Hadis shareef mein is namaz ke bare mein batlaya gaya hai. Tasbih namaz ki be-paayan fazilat ka andaza is Mubarak Hadees Shareef se lagaya ja sakta hai.

Huzoor Akram Mu’hammad Mustafa SallALLAHU ‘Alayhe Wasallam ne apne chacha Hazrat Abbas RadiALLAHU Anhu ko tasbih namaz ki targheeb farmayi.

“Aap SallALLAHU ‘Alayhe Wasallam ne unhe farmaya ke agar har roz salatul tasbih ek bar parh sakein to har roz parh lein aur agar har roz nahi parh sakein to har jumma mein ek martaba parh lein aur agar har jumma mein bhi na parh sakein to har mahine mein ek bar parh lein aur agar ye bhi na kar sakein to har saal mein ek bar parh lein aur agar ye bhi na kar sakein to tamam umr mein ek bar parh lein.”

Salatul Tasbeeh Parhne Ka Waqt

Salatul Tasbeeh ki namaz ka time.

Salatul Tasbeeh Namaz Kab Parh Sakte Hai?

Salatul tasbih ki namaz ke parhne ka koi khas muqarrar waqt tay nahi hai. Is namaz ko aap din se le kar raat tak kisi bhi waqt parh sakte hain. Is tasbih salah ki adayegi ke liye behtareen waqt zohar se pahle ka hai. Siwaye un auqaat ke jin mein namaz parhna mana hai. Yani makrooh auqaat (jin auqaat mei ibadat mana hai) ke ilawa kisi bhi waqt ap salatul tasbh ki namaz parh sakte hain.

More Reads

Makrooh waqt jisme farz aur dusri namaz ke liye manahi hoti hai. Is salatul tasbih ko bhi un makrooh waqt ke dauran ada karne se parhez kijiye. Wo makrooh waqt konse hai ye aage parhte hai.

Salatul Tasbih ka Waqt Jo Makrooh Hai

Salatul Tasbeeh Namaz Kab Nahi Parh Sakte Hai?

Salatul tasbih makrooh waqt mein nahi parhni chahiye. Jis waqt namaz parhne ki manahi hoti hai. Use makrooh waqt kaha jata hai. Yahan makrooh auqaat se muraad:

  1. Tul’u e Aftaab yani suraj nikalne ka waqt.
  2. Zawal ka waqt (har ek shahar ka zawal ke waqt mein farq hota hai). Aur,
  3. Ghuroob e aftaab yani suraj dhalne ka waqt.

Salatul Tasbih Me Kya Parhte Hai?

Namaz Salatul Tasbih Mein Kon Si Tasbih Parhni Hai?

Salatul tasbeeh namaz padhne ka tarika ek dam asan hai. Sirf ek martaba thik se ise samajhne ki der hai. Is namaz mein ek tasbih parhi kati hai. Wo tasbih ALLAH ka zikr hoti hai. Ye tasbih bohat afzal hai kyunke is mein ALLAH Subhanahu Wata ‘Ala ki Wahdaaniyat aur Tareef bayaan ki gayi hai.

Aur ALLAH Zille Shanahu ko Apni tareef bahot pasand. Taa ham ye mubarak kalmaat is salah salatul tasbih ka nihayat aham hissa hota hai.

Is tasbih mein jo wird kiya jata hai wo teesra kalima ka ek hissa hai. Uski sahi taur par adayegi hona laazmi hai. Mukammal adayegi ke sath in kalmaat ka mafhoom samajh kar parha jaye to beshak apki tasbih namaz zarur qubool hogi, Ameen. Six Kalimah in Islam in Arabic yahan dekhiye.

Tasbih namaz ki mubarak tasbih ye hai,

“Subhan ALLAHi Wal Hamduli ALLAHi Wala Ilaaha Il ALLAHU Wa ALLAHU Akbar”

سُبْحَانَ اللّٰهِ وَالْحَمْدُ لِلّٰهِ وَلَا إِلٰهَ إِلَّا اللّٰهُ وَاللّٰهُ أَكْبَرُ 

ALLAH Azmat wala hai aur sab tareef ALLAH ke liye hai aur ALLAH ke siwa koi Ma’abud nahi aur ALLAH bohat Bara hai.

اللّٰه عظمت والا ہے اور سب تعریف اللّٰه کیلئے ہے اور اللّٰه کے سوا کوئی معبود نہیں اور اللّٰه بہت بڑا ہے۔

Glory is to ALLAH, and praise is to ALLAH, and there is none worthy of worship but ALLAH, and ALLAH is the Greatest.

अल्लाह अज़मत वाला है और सब तारीफ अल्लाह के लिए है और अल्लाह के सिवा कोई मा’अबूद नहीं और अल्लाह बहुत बड़ा है|

yaALLAH Happy Followers

Salatul Tasbeeh Namaz Padhne Ka Sahi Tarika

Salatul tasbih namaz mein chaar (4) rakatein ada ki jati hai. Rakat-ba-rakat sahi tariqa niche parhiye.

Salatul Tasbih ki Awwal (1st) Raq’at

  1. Char (4) rakat salatul tasbih namaz ek salam ke sath parhni hai.
  2. Sab se awwal char (4) rakat salatul tasbih namaz ki niyat baandh lijiye. (Aam nifl namaz ki tarah hi niyat karni hai bas nifl namaz ki jagah ap salatul tasbih ya tasbih namaz boleinge). Niyat karta hu main 4 rakat salatul tasbeeh ki waaste ALLAH Ta’ala ke, muh mera Qaba Shareef ki taraf, waqt zohar ka (jis waqt bhi parhein wo waqt bol sakte hai).
  3. Phir, ALLAHu Akbar kehkar dono kaanon ki lau tak dono hath uthane hai. Jab hath uthaye tab hatheliyon ka rukh qaba Shareef ki taraf hona chahiye.
  4. Niyat bandh lijiye yani dono hath bandh lijiye. Ab Sana yani ‘Subhana kallahumma wa bi hamdika wa tabara kasmuka wata ‘ala jadduka wa laa ilaaha ghairuk‘ parhiye.
  5. Sana parhne ke bad pandrah (15) martaba ye kalma parhiye.

“Subhan ALLAHi Wal Hamduli ALLAHi Wala Ilaaha Il ALLAHU Wa ALLAHU Akbar”

  1. Phir ta’aooz aur tasmiya yani ‘A’oozubillahi minashaitan nirrajeem” aur “Bismilla-hir-rahman-nirraheem” parhiye.
  2. Phir Surah Fatiha aur koi si bhi surat ki tilawat kijiye. Surah Fateha ki Fazilat yahan dekhiye.
  3. Uske bad das (10) martaba ye kalma parhiye Subhan ALLAHi…..(poora kalima upar dekhiye).
  4. Phir takbeer (ALLAHU Akbar) kahte hue ru’ku mein jaiye.
  5. Ruk’u mein teen (3) martaba Subhana Rabbi-yal Azeem parhne ke bad ye kalma Subhan ALLAHi…..(poora kalima upar dekhiye) das (10) martaba parhiye.
  6. Phir qome ki halat mein ‘tasm’ee aur tahmeed, yani Sami ALLAH huliman Hamidah, Rabbana laka-l hamd parh kar das (10) martaba ye kalma parhiye.
  7. Phir pahle sajde ki halat mein Subhana Rabbi yal ‘aala teen (3) martaba parhne ke bad ye kalma Subhan ALLAHi…..(poora kalima upar parhiye) das (10) martaba parhiye.
  8. Phir sajde se uth kar jalse ki halat mein ye kalma Subhan ALLAHi…..(poora kalima upar dekhiye) das (10) martaba parhiye.
  9. Phir dusre sajde mein pahle sajde ki tarah das (10) martaba ye kalma Subhan ALLAHi…..(poora kalima upar dekhiye) parhiye.
  10. Is tarah ek rakat mein is kalme ki kul ta’adad pajhattar (75) martaba ho jayegi. Aur phir agli rakat ke liye ALLAHU akbar kehte hue sajde se uthiye aur hath bandh kar khade ho jayein.

yaALLAH Dua Wazaif 

Salatul Tasbih ki Dusri (2nd) Raq’at

  1. Phir dusri raq’at ke liye kharhe ho kar Surah Fatiha parhne se pahle pandrah (15) martaba ye kalma Subhan ALLAHi…..(poora kalima upar dekhiye) parhiye. Phir Surah Fatiha parhe aur uske bad ‘Surah Wal-Asr’ parhiye. Phirse, das (10) martaba ye kalma parhiye Subhan ALLAHi…..(poora kalima upar dekhiye). Phir ruku aur sajdah ke liye upar point 8 se lekar 14 dekhiye.
  2. Behtar hai ke ap namaz salatul tasbih ki pahli raq’at mein ‘Surah Al-Haakumut-Takaasur’ parhiye.

Salatul Tasbih ki Teesri (3rd) Raq’at

  1. Phir teesri raq’at mein Surah Fatiha parhne se pahle pandrah (15) martaba ye kalma Subhan ALLAHi…..(poora kalima upar dekhiye) parhiye. Phir Surah Fatiha parhe aur uske bad ‘Surah Al-Kafiroon’ parhiye. Phirse, das (10) martaba ye kalma parhiye Subhan ALLAHi…..(poora kalima upar dekhiye). Phir ruku aur sajdah ke liye upar point 8 se lekar 14 dekhiye.

Salatul Tasbih ki Chauthi (4th) Raq’at

  1. Phir chauthi raq’at mein Surah Fatiha parhne se pahle pandrah (15) martaba ye kalma Subhan ALLAHi…..(poora kalima upar dekhiye) parhiye. Phir Surah Fatiha parhe aur uske bad ‘Surah Ikhlas’ yani ‘Qul Huwa ALLAHU A’had’ parhiye. Phirse, das (10) martaba ye kalma parhiye Subhan ALLAHi…..(poora kalima upar dekhiye). Phir ruku aur sajdah ke liye upar point 8 se lekar 13 parhiye. Aur uske bad point 19 se 21 parhiye.

Theek pahli raqa’t ki tarah ap ne chaar (4) rakat mukammal karne hai. Har rakat mein pachattar (75) martaba ye kalma Subhan ALLAHi…..(poora kalima upar dekhiye) parhna hai. Is tarah kul char (4) rakat tasbih namaz mein is kalma ko ap teen sau (300) martaba parhenge.

  • Agar koi shakhs Qur’an Paak ka Hafiz ho to wo salah salatul tasbih ki pahli rakat mein ‘Surah Hadeed’ parhe.
  • Agar koi shakhs Qur’an Paak ka Hafiz ho to wo salah salatul tasbih ki dusri rakat mein ‘Surah Hashr’ parhe.
  • Agar koi shakhs Qur’an Paak ka Hafiz ho to wo salah salatul tasbih ki teesri rakat mein ‘Surah Saffa’ parhe.
  • Agar koi shakhs Qur’an Paak ka Hafiz ho to wo salah salatul tasbih ki chauthi rakat mein ‘Surah Taghabun’ parhe.

Salatul Tasbih Ada Karne ke Bad Du’a Magne ka Tariqa

  1. Aur phir akhir mein salaam pherne ke bad ALLAH Ta’ala se nihayat aajzi aur khuloos ke sath apne gunahon ki mu’afi mangiye. Khoob sharmindgi ke sath girgira kar aur yahan tak ke aansu bahakar un gunaho par nadamat zahir kijiye. Ayindah zindagi mein unhe na dohrane ka a’had bhi kijiye.
  2. Chahein to sajde mein ja kar aah-o-zaari ke sath ALLAH Tabarak Wata ‘Ala se du’a kijiye aur apne tamam gunaho ki dil se mu’afi mangiye. Kyonke sajdah wo muqam hai jis mein banda apne ALLAH ke sab se zyadah qarib hota hai. Aur ALLAH Ta’ala apne bande jab wo us maqam mein hota hai to zarur sunta hai, Insha ALLAH, Ameen.
  3. Apni bebasi ko apni duaon mein dar pesh kijiye. Aur akhir me Pyare Aqa Mu’hammad Mustafa SallALLAHU ‘Alayhe Wasallam ke sadqe aur tufail mein apni hajat ke poori hone ki bheekh mangiye. Aur chahe to ye dua bhi parh sakte hai:

Popular yaALLAH Dua Wazaif 

اللَّهُمَّ إِنَّكَ عَفُوٌّ كَرِيمٌ تُحِبُّ الْعَفْوَ فَاعْفُ عَنِّي

ALLAHumma innaka ‘Afuwwun kareemun tuhibbul ‘Afwa fa’fu ‘Anni

ya ALLAH tu maaf karne wala, karam karne wala hai aur muafi ko pasand karne wala hai, mere gunaah maaf farma de.

اے اللہ تو معاف کرنے والا ہے اور معافی کو پسند کرتا ہے تو تو مجھ کو معاف فرما دے ۔

या अल्लाह तू माफ़ करने वाला, करम करने वाला है और माफ़ी को पसन्द करने वाला है, मेरे गुनाह माफ़ फ़रमा दे|

Sunan Ibn Majah, Vol 3, 731

allahumma innaka afuwwun karim tuhibbul afwa fa'fu anni ya karim in arabic

Is post ka PDF version yahan dekhiye How to Perform Salatul Tasbih pdf

Aur jo salatul tasbih ki namaz aapne ada ki hai isme kisi bhi tarah ki ghalti ya gunah ko bhi maaf karne ki laazmi dua kijiye. Aur minnat kijiye ke ALLAH meri is salatul tasbih ki namaz ko qubool farma, mujhe mu’af kar, khatayein bakhsh de meri aur meri tauba qubool farma.

Beshak ALLAH Zille Shanahu bohat Ghafoor aur Raheem hai. Wohi hai jo tauba qubool farmane Wala hai. ALLAH Ta’ala ham sab ke jane anjane mein kiye gaye sagheera-o-kabeera gunah mu’af farmaye. Hamein apni bakhshish ka samaan ikatha karne ki taufeeq ata farmaye, ameen ya Rabbul ‘Aalameen!

More Reads

Salatul Tasbih Me Kalima Parhna Bhul Jaye to Kya Karein?

Agar Kalma Tarteeb Ke Lehaz Se Parhna Bhool Jayen To Aisi Surat Mein Kya Kiya Jaye

Ghalti insan se hi hoti hai. Agar ap kisi bhi raq’at mein ek muqam par kalima parhna bhool jayen to use agle muqam mein shumar kar lein.

Misal ke taur par agar ap Surah Fatiha ke bad koi bhi Surat parh kar kalma parhna bhool gaye hain. Aur sidhe ruk’u mein chale gaye hain. To ruk’u mein ‘Subhana Rabbi Yal Azeem’ parhne ke bad ap 10 +10 = 20 martaba kalma parhein ge.

Yani das (10) martaba wo kalma jo ap pichle muqam par parhna bhool gaye aur das (10) martaba ruk’u ke muqam ka kalma, dono mila ke ap bees (20) martaba kalma parheinge.

Isi tarah dobara ap se agar aise ho jaye to ap isi tariqe se agle muqam mein wo kalma pura kar sakte hain. Yani pichle muqam par jitna kam parha tha use agle muqam par parhne mein shumar kar lijiye.

Phir bhi ese do waqfe hai jahan esa nahi kiya ja sakta.

More yaALLAH Dua Wazaif 

Do (2) Waqfe Jahan Choota Gaya Kalma Shamil Nahi Kiya Ja Sakta

Salah salatul tasbih ada karte waqt do (2) muqamaat aise aate hain jahan pe ap choota gya kalma shumar nahi kar sakte. Wo hain:

  1. Qoma
  2. Jalsa
  1. Qoma

Jab ruku pura kar ke khade hote hai. Yani ruku ke bad aur awwal sajde se pahle jab kuch hi lamhon ke liye khade hote hai. Us chhote waqfe ko qoma kaha jata hai.

Ek chota waqfa hai jahan ap zyadah der ruk nahi sakte. Ruk’u mein ap kalma parhna bhool gaye ho aur ruk’u se phir khade hokar qoma mein ap ise poora nahi kar sakte. Yani ruk’u mein parhne wale kalima ki chhooti hui ta’adad ko qoma mein nahi jod kar parh sakte hai. To is kalme ki kam ta’adad ko ap qoma mein puri nahi kar sakte.

To Phir Kya Kiya Jaye?

Is ke liye ap qoma ko usi tarteeb ke sath parheinge. Yani qoma mein das (10) martaba hi kalma parheinge. Aur ruk’u mein choote gaye kalme ko awwal sajde ke kalme ki ta’aad mein jodkar pura kar leinge. Yani pahle sajde mein ap das ki bajaye ab bees (20) martaba kalma parh lenge.

  1. Jalsa

Qoma ki tarah jalsa bhi ek chota waqfa hai. Namaz mein do sajdo ke bich jab kuch lamhon ke liye betha jata hai use jalsa kaha jata hai. Jahan ap zyadah der ruk nahi sakte.

Isliye jalsa se pichle muqam jaisa ke pahla sajdah mein agar ap kalma parhna bhool gaye hon. To is kalma ki kami ap jalsa mein puri nahi kar sakte. Jalsa mein ap das (10) martaba hi kalma parheinge. Aur pahle sajdah mein choote gaye kalme ki kami ap dusre sajde mein puri kar leinge. One Time Wazifa for Hajat-Dua to Fulfill a Wish Immediately-Hajat Ki Dua yahan dekhiye.

Yani awwal sajde mein bhooli hui kalima ki ta’adad ko dusre sajde mein hi poori kar sakte hai. Misal ke taur par awwal sajde mein das (10) martaba kalima parhna bhool gaye hai to dusre sajde mein use jodkar ap ab bees (20) martaba kalma parheinge.

Aur Jab Dusre Sajde Mein Kalima Parhna Bhool Jayein To?

Agar ap aakhri yani chauthi rakat mein akhri muqam yani dusre sajde mein kalma parhna bhool gaye hain. To aisi surat mein ap sajde se uth kar Attahiyaat parhne se pahle das (10) martaba kalma parh kar kalme ki kami puri kar sakte hain.

Ghaur Talab: Khawateen haiz/mahwaari ke dauran tasbih namaz qatayi nahi parhein. 

Is post ka PDF version download karne ke liye click kijiye

How to Perform Salatul Tasbih pdf

Salatul Tasbeeh Ki Namaz Ka Tarika in Urdu

salatul tasbeeh ki namaz ka tarika in urdu

 

Salatul Tasbeeh Namaz ka Tarika in Urdu

صلات التسبیح کیا ہے

صلات التسبیح سے مراد ہے تسبیح کی نماز۔ جیسا کہ صلات التسبیح نماز کے نام سے ہی ظاہر ہوتا ہے کہ یہ ایک ایسی صلاہ ہے جس میں ایک خاص تسبیح پڑھی جاتی ہے جس کی فضیلت بے پناہ ہے۔ خاص یہ اسلئے کہی جاتی ہے کیونکہ اِس صلاہ میں اللّٰه تعالٰی کی حمد و ثناء کی جاتی ہے۔ اللّٰه تعالٰی کی تعریف بیان کی جاتی ہے۔ اور یہ تعریف ایک ورد میں ہوتی ہے۔ جو ایک طے شدہ تعداد میں ہی پڑھا جاتا ہے۔

صلات التسبیح بہت ہی اہم اور فضیلت والی نماز ہے۔ یہ ایک خاص نفل نماز ہے اور بہترین نفلی عبادات میں شمار ہوتی ہے۔ صلات التسبیح کی نماز کا طریقہ یعنی یہ نماز کیسے پڑھی جاتی ہے اسے ہَم تفصیل سے آگے پڑھیں گے۔

صلات التسبیح نماز کی فضیلت و اہمیت

اگر ہم لوگوں کو صلات التسبیح کی نماز کی اہمیت و فضیلت کا اندازہ ہو جائے تو ہم اسے پڑھنے سے کبھی محروم نہ رہیں۔ یہ بہت ہی افضل نماز ہے۔ کیا آپ اس نماز کی فضیلت و اہمیت کے بارے میں جاننا نہیں چاہیں گے؟ اور اگر آپ نے اسکی اہمیت جان لی اور اسکی فضیلت آپ نے اگر یہاں سن لی تو اِس صلات التسبیح کی نماز کو آپ پڑھنا قطعی نہیں چھوڑیں گے بلکہ ہر روز پڑھیں گے۔ جی ہاں ہر روز۔
چار رکعت پر مشتمل یہ نفل نماز اپنے اندر بے پناہ ثواب اور فضیلت سمیٹے ہوئے ہے۔

ہم گناہگاروں کے لئے راہِ نجات ہے یہ تسبیح کی نماز۔
ثواب کمانے کا ایک آسان ذریعہ ہے یہ تسبیح کی نماز۔
گناہوں کی بخشش کا سامان ہے یہ تسبیح کی نماز
اللّٰه تعالٰی کا ذکر، حمد و ثناء جب جہاں ہوتا ہے تو تمام فرشتے مسرور ہو جاتے ہے۔ فرشتے جب کہیں اللّٰه تعالٰی کا ذکر ہوتا ہے، تو اللّٰه تعالٰی سے کہتے ہیں كہ یا اللّٰه! آپ کا فلاں بندہ فلاں جگہ پر آپ کا ذکر آپ کی حمد و ثناء میں مصروف ہے۔ اور یہ فرشتے اللّٰه تعالٰی كے پاس پیغام لے کر جاتے ہیں۔ پیغام اس صلات التسبیح ادا کرنے والے کی جانب سے اللّٰه تعالٰی کو خبر پہنچا دی جاتی ہے۔

بس، پِھر اللّٰه تعالٰی ان فرشتوں کو عبادت کرنے والے كے لیے انعام دینے کا حکم کر دیتا ہے۔ اور یہ فرشتے اللّٰه تعالٰی كے حکم کی تعمیل کرنے میں لگ جاتے ہے۔

صلات التسبیح نماز میں رکعت صرف چار ( ۴ ) ہوتی ہیں۔ جن پر مشتمل یہ نفل نماز اپنے اندر بے پناہ ثواب اور فضیلت اکٹھا کیے ہوئے ہے۔ اور ہَم گناہگاروں كے لیے اللّٰه تعالٰی سے معافی حاصل کرنے کا ذریعہ ہے۔ اپنی بخشش اور راہِ نجات ہے یہ تسبیح نماز۔

اللّٰه تعالٰی كے ذکر میں لطف ملتا ہے۔ دُنیا سے بندہ غافل ہوتا چلا جاتا ہے۔ اور وہ ذکر اسکے ثواب کمانے کا ایک آسان سا ذریعہ بن جاتا ہے۔ ایسی ہے اِس صلات التسبیح کی نماز کی فضیلت۔

تسبیح نماز سے صغیرہ اور یہاں تک كہ کبیرہ گناہ بھی معاف ہو جاتے ہیں، انشاء اللّٰه۔ بس پڑھنے میں خلوص، تقویٰ اور بندگی کا جذبہ پیدا ہو۔ صلات التسبیح ہر طرح كے گناہوں کی بخشش کا ذریعہ بنتی ہے۔ چاہے بندے نے کتنا ہی بڑے سے بڑا گناہ کیوں نہ کیا ہو۔ بس كہ اللّٰه تعالٰی کی رحمت سے محروم نہ رہے۔ اور مایوس نہ ہو۔ بلکہ اللّٰه تعالٰی سے ہمیشہ امید رکھے۔

اس بندے کی زندگی كے اگلے اور پچھلے گناہ، جانے انجانے میں کیے گئے گناہ (جان بوجھ کر کیے گئے یا غلطی سے ہونے والے گناہ) یہاں تک كہ ایسے  گناہ بھی جو بندہ کر كے بھول چکا ہو یعنی اسے وہ گناہ یاد بھی نہ ہوں۔ غرض كہ ہر طرح كے گناہ اِس تسبیح نماز کی فضیلت سے معاف ہو جاتے ہیں۔ بے شک اللّٰه تعالٰی بڑا غفور اور رحیم ہے۔

صلات التسبیح نماز کی ادائیگی میں خاص خیال رکھا جائے۔ کوئی کوتاہی نہیں بڑتی جائے۔ خوب اچھے طریقے اور عقیدت كے ساتھ پڑھی جائے تو اس سے بہت ثواب حاصل کیا جا سکتا ہے۔ تمام گناہوں کی بخشش بھی حاصل کی جا سکتا ہے، انشاء اللّٰه، آمین۔

Popular yaALLAH Dua Wazaif 

Dua Al-Mashlool in Arabic PDF with Meaning & Benefits

حدیث کی روشنی میں صلات التسبیح

صلات التسبیح نماز کی فضیلت و اہمیت حدیث شریف کی روشنی میں

حدیث شریف میں اِس نماز كے بارے میں بتلایا گیا ہے۔ تسبیح نماز کی بے پایاں  فضیلت کا اندازہ اِس مبارک حدیث شریف سے لگایا جا سکتا ہے۔

حضور اکرم محمد مصطفی صلی اللّٰه علیہ وسلم نے اپنے چچا حضرت عباس رضی اللّٰه عنہ کو تسبیح نماز کی ترغیب فرمائی۔

آپ صلی اللّٰه علیہ وسلم نے انہیں فرمایا كہ اگر ہر روز صلات التسبیح ایک بار پڑھ سکیں تو ہر روز پڑھ لیں اور اگر ہر روز نہیں پڑھ سکیں تو ہر جمعہ میں ایک مرتبہ پڑھ لیں اور اگر ہر جمعہ میں بھی نہ پڑھ سکیں تو ہر مہینے میں ایک بار پڑھ لیں اور اگر یہ بھی نہ کر سکیں تو ہر سال میں ایک بار پڑھ لیں اور اگر یہ بھی نہ کر سکیں تو تمام عمر میں ایک بار پڑھ لیں۔

صلات التسبیح پڑھنے کا وقت
صلات التسبیح کی نماز کا ٹائم

صلات التسبیح کی نماز کب پڑھ سکتے ہیں؟

صلات التسبیح کی نماز كے پڑھنے کا کوئی خاص وقت مقرر نہیں ہے۔ اِس نماز کو آپ دن سے لے کر رات تک کسی بھی وقت پڑھ سکتے ہیں۔ اِس تسبیح نماز کی ادائیگی كے لیے بہترین وقت ظہر سے پہلے کا ہے سوائے ان اوقات كے جن میں نماز پڑھنا منع ہے۔ یعنی مکروہ اوقات (جن اوقات میں عبادت منع ہے) كے علاوہ کسی بھی وقت آپ صلات التسبیح کی نماز پڑھ سکتے ہیں۔

مکروہ وقت جس میں فرض اور دوسری نماز كے لیے مناہی ہوتی ہے، اِس صلات التسبیح کو بھی اس مکروہ وقت كے دوران ادا کرنے سے پرہیز کیجئیے۔ وہ مکروہ اوقات کونسے ہیں یہ آگے پڑھتے ہیں۔

صلات التسبیح نماز کب نہیں پڑھ سکتے ہیں؟

صلات التسبیح مکروہ وقت میں نہیں پڑھنی چاہیے۔ جس وقت نماز پڑھنے کی مناہی ہوتی ہے اسے مکروہ وقت کہا جاتا ہے۔ یہاں مکروہ اوقات سے مراد ہے۔

طلوعِ آفتاب یعنی سورج نکلنے کا وقت
زوال کا وقت (ہر ایک شہر کے زوال كے وقت میں فرق ہوتا ہے) اور
غروبِ آفتاب یعنی سورج ڈھلنے کا وقت

صلات التسبیح میں کیا پڑھتے ہیں؟

نماز صلات التسبیح میں کون سی تسبیح پڑھنی ہے؟

صلات التسبیح نماز پڑھنے کا طریقہ ایک دم آسان ہے۔ صرف ایک مرتبہ ٹھیک سے اسے سمجھنے کی دیر ہے۔ اِس نماز میں ایک تسبیح پڑھی جاتی ہے۔ وہ تسبیح اللّٰه کا ذکر ہوتی ہے۔ یہ تسبیح بہت افضل ہے کیوں کہ اِس میں اللّٰه تعالٰی کی وحدانیت  اور تعریف بیان کی گئی ہے۔ اور اللّٰه تعالیٰ کو اپنی تعریف بہت پسند ہے۔ تاہم یہ مبارک کلمات اِس صلات التسبیح کا نہایت اہم حصه ہیں۔

اِس تسبیح میں جو ورد کیا جاتا ہے وہ تیسرا كلمہ کا اک حصه ہے۔ اسکی صحیح طور پر ادائیگی ہونا لازمی ہے۔ مکمل ادائیگی كے ساتھ ان کلمات کا مفہوم سمجھ کر پڑھا جائے تو بے شک آپکی تسبیح نماز ضرور قبول ہو گی، آمین۔

تسبیح نماز کی مبارک تسبیح یہ ہے۔

سُبْحَانَ اللّٰهِ وَالْحَمْدُ لِلّٰهِ وَلَا إِلٰهَ إِلَّا اللّٰهُ وَاللّٰهُ أَكْبَرُ

ترجمہ: اللّٰه عظمت والا ہے اور سب تعریف اللّٰه کیلئے ہے اور اللّٰه کے سوا کوئی معبود نہیں اور اللّٰه بہت بڑا ہے۔

صلات التسبیح نماز پڑھنے کا طریقہ ( ایک دم آسان )
چلیے اب ہم آگے صلات التسبیح نماز ادا کرنے کا صحیح طریقہ پڑھتے ہیں۔

صلات التسبیح کی اوّل رکعت

چار (٤) رکعت صلات التسبیح نماز ایک سلام كے ساتھ پڑھنی ہے۔
سب سے اوّل چار (٤) رکعت صلات التسبیح نماز کی نیت باندھ لیجیے۔ (عام نفل نماز کی طرح ہی نیت کرنی ہے بس نفل نماز کی جگہ آپ صلات التسبیح یا تسبیح نماز بولیں گے )۔
اب ثناء یعنی سُبْـحانَكَ اللّهُـمَّ وَبِحَمْـدِكَ وَتَبارَكَ اسْمُـكَ وَتَعـَالى جَـدُّكَ وَلَا إِلٰهَ غَيْرُك پڑھنے كے بعد پندرہ (١٥) مرتبہ یہ کلمہ پڑھیئے۔

سُبْحَانَ اللّٰهِ وَالْحَمْدُ لِلّٰهِ وَلَا إِلٰهَ إِلَّا اللّٰهُ وَاللّٰهُ أَكْبَرُ

پھر تعوذ اَعُوذُ بِاللّٰهِ مِنَ الشَّیطٰنِ الرَّجِیم  اور تسمیہ بِسمِ اللّٰهِ الرَّحمٰنِ الرَّحِیمِ پڑھیئے۔
پِھر سورہ فاتحہ اور کوئی سی بھی سورہ کی تلاوت کیجئیے۔
اس کے بعد دس (١۰) مرتبہ یہ کلمہ سُبْحَانَ اللّٰهِ وَالْحَمْدُ لِلّٰهِ … . . ( پُورا كلمہ اوپر دیکھیے ) پڑھیئے۔
پِھر تکبیر ( اللّٰه اکبر ) کہتے ہوئے رکوع میں جائیے۔
رکوع میں تین (٣) مرتبہ سُبحَانَ رَبِّیَ العَظِیم پڑھنے كے بعد یہ کلمہ سُبْحَانَ اللّٰهِ وَالْحَمْدُ لِلّٰهِ … . . ( پُورا كلمہ اوپر دیکھیے ) دس (١۰) مرتبہ پڑھیئے۔
پِھر قومہ کی حالت میں تسمیع یعنی سَمِعَ ﷲُ لِمَنْ حَمِدَهُ اور تحمید یعنی رَبَّنَا لَکَ الْحَمْد پڑھ کر یہ کلمہ سُبْحَانَ اللّٰهِ وَالْحَمْدُ لِلّٰهِ … . . ( پُورا كلمہ اوپر دیکھیے ) دس (١۰) مرتبہ پڑھیئے۔
پِھر پہلے سجدے کی حالت میں سُبحَانَ رَبِّیَ العَلٰی تین (٣) مرتبہ پڑھنے كے بعد یہ کلمہ سُبْحَانَ اللّٰهِ وَالْحَمْدُ لِلّٰهِ … . . ( پُورا كلمہ اوپر دیکھیے ) دس (١۰) مرتبہ پڑھیئے۔
پھر سجدے سے اٹھ کر جلسہ کی حالت میں یہ کلمہ سُبْحَانَ اللّٰهِ وَالْحَمْدُ لِلّٰهِ … . . ( پُورا كلمہ اوپر دیکھیے ) دس (١۰) مرتبہ پڑھیئے۔
پِھر دوسرے سجدے میں پہلے سجدے کی طرح یہ کلمہ سُبْحَانَ اللّٰهِ وَالْحَمْدُ لِلّٰهِ … . . ( پُورا كلمہ اوپر دیکھیے ) دس (١۰) مرتبہ پڑھیئے۔
اِس طرح ایک رکعت میں اِس کلمے کی کل تعداد پجھتّر (٧٥) مرتبہ ہو جائے گی۔

More Reads

Rules & Verdict of Making Dua Ahkam-o-Sharait

صلات التسبیح کی دوسری رکعت

پِھر دوسری رکعت كے لیے کھڑے ہو کر سورہ فاتحہ پڑھنے سے پہلے پندرہ (١٥) مرتبہ یہ کلمہ سُبْحَانَ اللّٰهِ وَالْحَمْدُ لِلّٰهِ … . . ( پُورا كلمہ اوپر دیکھیے ) پڑھیئے۔
ٹھیک پہلی رکعت کی طرح آپ نے چار (٤) رکعت مکمل کر لینی ہیں۔
ہر رکعت میں پجھتّر ( ٧٥) مرتبہ یہ کلمہ سُبْحَانَ اللّٰهِ وَالْحَمْدُ لِلّٰهِ … . . ( پُورا كلمہ اوپر دیکھیے ) پڑھنا ہے۔ اِس طرح کل چار (٤) رکعت تسبیح نماز میں اِس کلمہ کو آپ تین سو (٣۰۰) مرتبہ پڑھیں گے۔
بہتر ہے كہ آپ نماز صلات التسبیح کی پہلی رکعت میں سورہ التَّکَاثُر پڑھیں۔
دوسری رکعت میں سورہ العَصر پڑھیں۔
تیسری رکعت میں سورہ اَلکَافِرُون پڑھیں۔
اور چوتھی رکعت میں سورہ اخلاص پڑھیں۔
اگر کوئی شخص قرآن پاک کا حافظ ہو تو وہ صلاہ صلات التسبیح کی پہلی رکعت میں سورہ حدید پڑھے۔
دوسری رکعت میں سورہ حشر پڑھے۔
تیسری رکعت میں سورہ صف پڑھے۔
اور چوتھی رکعت میں سورہ تغابن پڑھے۔

اور پِھر آخر میں سلام پھیرنے كے بعد اللّٰه تعالٰی سے نہایت عاجزی اور خلوص كے ساتھ اپنے گناہوں کی معافی خوب شرمندگی كے ساتھ گڑگڑا کر مانگیں۔ یہاں تک كہ آنسو بہا کر ان گناہوں پر ندامت ظاہر کیجئیے۔ آئندہ زندگی میں انہیں نہ دوہرانے کا عہد بھی کیجئیے۔
چاہیں تو سجدے میں جا کر آہ و زاری كے ساتھ اللّٰه تبارک و تعالٰی سے دعا کیجئیے۔ اور اپنے تمام گناہوں کی دِل سے معافی مانگیے۔ کیونکہ سجدہ وہ مقام ہے جس میں بندہ اپنے اللّٰه كے سب سے زیادہ قریب ہوتا ہے۔ اور اللّٰه تعالٰی اپنے بندے کی جب وہ اس مقام میں ہوتا ہے تو ضرور سنتا ہے، انشاء اللّٰه، آمین۔

اپنی بے بسی کو اپنی دعاؤں میں پیش کیجئیے۔ اور آخر میں پیارے آقا محمد مصطفی صلی اللّٰه علیہ وسلم كے صدقے اور طفیل میں اپنی حاجت كے پورا ہونے کی بھیک مانگیے۔ اور چاھیں تو یہ دعا بھی پڑھ سکتے ہیں۔

اَللَّهُمَّ إِنَّكَ عَفُوٌّ كَرِيمٌ تُحِبُّ الْعَفْوَ فَاعْفُ عَنِّي

ترجمہ:اے اللّٰه تو معاف کرنے والا ہے اور معافی کو پسند کرتا ہے تو تو مجھ کو معاف فرما دے۔

(سنن ابن ماجہ، والیوم ٣، ٧٣١)

اور جو صلات التسبیح کی نماز آپ نے ادا کی ہے اس میں کسی بھی طرح کی غلطی یا گناہ کو بھی معاف کرنے کی لازمی دعا کیجئیے۔ اور منّت کیجئیے كہ اللّٰه میری اِس صلات التسبیح کی نماز کو قبول فرما، مجھے معاف کر، میری خطائیں بخش دے اور میری توبہ قبول فرما۔

بے شک اللّٰه تعالٰی  بہت غفور اور رحیم ہے۔ وہی ہے جو توبہ قبول فرمانے والا ہے۔ اللّٰه تعالٰی ہم سب كے جانے انجانے میں کیے گئے صغیرہ و کبیرہ  گناہ معاف فرمائے۔ اور ہمیں اپنی بخشش کا سامان اکھٹا کرنے کی توفیق عطا فرمائے، آمین یا رب العالمین۔

صلات التسبیح میں كلمہ پڑھنا بھول جائیں تو کیا کریں؟

اگر کلمہ ترتیب كے لحاظ سے پڑھنا بھول جائیں تو ایسی صورت میں کیا کیا جائے؟

غلطی انسان سے ہی ہوتی ہے۔ اگر آپ کسی بھی رکعت میں ایک مقام پر كلمہ پڑھنا بھول جائیں تو اسے اگلے مقام میں شمار کر لیں۔

مثال كے طور پر اگر آپ سورہ فاتحہ كے بعد کوئی بھی سورہ پڑھ کر کلمہ پڑھنا بھول گئے ہیں۔ اور سیدھے رکوع میں چلے گئے ہیں۔ تو رکوع میں سبحان ربی العظیم پڑھنے كے بعد آپ ١۰ + ١۰ = ۲۰ مرتبہ کلمہ پڑھیں گے۔

یعنی دس (١۰) مرتبہ وہ کلمہ جو آپ پچھلے مقام پر پڑھنا بھول گئے اور دس (١۰) مرتبہ رکوع كے مقام کا کلمہ، دونوں ملا كے آپ بیس (۲۰) مرتبہ کلمہ پڑھیں گے۔

اسی طرح دوبارہ آپ سے اگر ایسے ہو جائے تو آپ اسی طریقے سے اگلے مقام میں وہ کلمہ پورا کر سکتے ہیں۔ یعنی پچھلے مقام پر جتنا کم پڑھا تھا اسے اگلے مقام پر پڑھنے میں شمار کر لیجیے۔ پھر بھی ایسے دو وقفے ہیں جہاں ایسا نہیں کیا جا سکتا۔

دو (۲) وقفے جہاں چھوٹا گیا کلمہ شامل نہیں کیا جا سکتا
صلاہ صلات التسبیح ادا کرتے وقت دو (۲) مقامات ایسے آتے ہیں جہاں پہ آپ چھوٹا گیا کلمہ شمار نہیں کر سکتے، وہ ہیں

قومہ
جلسہ

قومہ
جب رکوع پورا کر كے کھڑے ہوتے ہیں یعنی رکوع كے بعد اور اول سجدے سے پہلے جب کچھ ہی لمحوں كے لیے کھڑے ہوتے ہے، اس چھوٹے وقفے کو قومہ کہا جاتا ہے۔
اگر رکوع میں آپ کلمہ پڑھنا بھول گئے ہوں تو رکوع سے کھڑے ہو کر قومہ میں آپ اسے پُورا نہیں کر سکتے۔ یعنی رکوع میں پڑھنے والے كلمہ کی چھوٹی ہوئی تعداد کو قومہ میں نہیں جوڑ کر پڑھ سکتے۔

تو پِھر کیا کیا جائے؟

اِس كے لیے آپ قومہ کو اسی ترتیب كے ساتھ پڑھیں گے یعنی قومہ میں دس (١۰) مرتبہ ہی کلمہ پڑھیں گے اور رکوع میں چھوٹے گئے کلمے کو اول سجدے كے کلمے کی تعداد میں جوڑ کر پورا کر لیں گے۔ یعنی پہلے سجدے میں آپ دس کی بجائے اب بیس (۲۰) مرتبہ کلمہ پڑھ لینگے۔

جلسہ
قومہ کی طرح جلسہ بھی ایک چھوٹا وقفہ ہے۔ نماز میں دو سجدوں كے بیچ جب کچھ لمحوں كے لیے بیٹھا جاتا ہے اسے جلسہ کہا جاتا ہے، جہاں آپ زیادہ دیر رک نہیں سکتے۔

اسلئے جلسہ سے پچھلے مقام جیسا كہ پہلا سجدہ میں اگر آپ کلمہ پڑھنا بھول گئے ہوں۔ تو اِس کلمہ کی کمی آپ جلسہ میں پوری نہیں کر سکتے۔ جلسہ میں آپ دس (١۰) مرتبہ ہی کلمہ پڑھیں گے۔ اور پہلے سجدہ میں چھوٹے گئے کلمے کی کمی آپ دوسرے سجدے میں پوری کر لیں گے۔ یعنی اول سجدے میں بھولی ہوئی كلمہ کی تعداد کو دوسرے سجدے میں ہی پوری کر سکتے ہیں۔
مثال كے طور پر اگر آپ اول سجدے میں دس (١۰) مرتبہ كلمہ پڑھنا بھول گئے ہیں تو دوسرے سجدے میں اسے جوڑ کر اب آپ بیس (۲۰) مرتبہ کلمہ پڑھیں گے۔

اور جب دوسرے سجدے میں كلمہ پڑھنا بھول جائیں تو؟

اگر آپ آخری یعنی چوتھی رکعت میں آخری مقام یعنی دوسرے سجدے میں کلمہ پڑھنا بھول گئے ہیں تو ایسی صورت میں آپ سجدے سے اٹھ کر اَلتَّحِیَاتُ پڑھنے سے پہلے دس (١۰) مرتبہ کلمہ پڑھ کر کلمے کی کمی پوری کر سکتے ہیں۔

غور طلب : خواتین حیض/ ماہواری كے دوران تسبیح نماز قطعی نہیں پڑھیں۔


6 Comments

  1. Mrs.S on said:

    Asalamalikum dear

    Mere bhai abhi 25 yrs k hai unko pehle apendix hua tha operation hua phir kidney mein stone ki shikayat hai or ab kahin bahar girgye hai toh testical pe marlagyi or Doctors bolrahe hai ki blood clot hogya ek lauta bhai hai mera bade he Manaton se hue so hai uno. .. ab ye sab pareshaniya agye? kya kare koi hall bataye plz?
    Abhi doctors bolrahe hai unki shadi kardo kya kare hum bataye plz… padhiye chalrahi hai unki …

  2. Abu Kulthum on said:

    Salam alaykum warahmotulah wabarakatuh, please kindly give English version of salatul tasbih. Ja za kum llah khaer. Masalam

    • Mehrunnisa Khizr on said:

      Insha ALLAH, soon you will get it. Stay in touch.

  3. Azma mirza on said:

    Khawab mai tasbeeh dhekna Kya hota hai

    • Mehrunnisa Khizr on said:

      Har general khwab ka koi khas matlab ho, ye zaruri nahi sis. Ap ibadaat kiya karein.

Ask your question here..