Sadaqah Ki Dua

October 1st, 2021

Sadaqah yani sach. Ye lafz Sidq se liya gaya hai Sidq yani ALLAH ke liye kisi ghareeb aur mohtaj ki madad karna. Magar jab sadaqah dein to ALLAH ki raza ke liye dete hue is ayat ka zikr karenge to wird ka sawab yaqinan milega.

Sadaqah Ki Dua

Aala Darje Ka Sadaqah

Farmate hain ke ek saheb Nabi-e-Kareem SallALLAHu ‘Alayhe Wasallam ki khidmat mein aaye, aur poochha ki sabse zyada sawab wala sadaqah konsa hai? Dekhiye→ Ya Zal Jalali Wal Ikram

Aapne farmaya ki sabse aala darze ka sadaqah yeh hai ki apni sehat ke halat mein sadaqa karo. Aur aise waqt mein sadaqah karo jab tumhare dil mein yeh khayal ho ki yeh maal aisi cheez nahi hai ki ise yunhi luta diya jaye, aur maal kharch karne mein takleef bhi ho rahi hai.

Is halat mein yeh andesha hai ki is sadaqah karne ke nateeje mein baad mein faqa-qasi (tang dasti) ka shikar ho jaun, aur baad mein maloom nahi kya halaat hon.

Us waqt jo sadaqa karoge yeh bada ajr (sawab) wala hoga, uske baad farmaya ki sadaqah dene ka dil mein khayal aaya hai to usko talao (takheer) nahi.

Isse is baat ki tarf ishara kiya gaya hai ki baaz log sadaqa karne ko taalte rehte hain, aur yeh khayal karte hain ki jab marne ka waqt bilkul qareeb aa jayega. Dekhiye→ Cheenk Aane Ke Baad Ki Dua

Us waqt kuchh wasiyat kar jayenge, ki marne ke baad mera itna maal falan ko de dena, aur itna maal falan ko de dena, aur itna maal falan kaam mein laga dena wagairah.

To Huzoor SallALLAHu ‘Alayhe Wasallam farma rahe hain ki tum to keh rahe ho itna maal falan ko de dena, are ab to woh tumhara maal raha hi nahi, woh to kisi aur ka ho gaya kyun?

Isliye ki sharayi masla yeh hai ki agar koi shakhs bimari ki halat mein koi sadaqah kare. Ya sadaqah karne ki wasiyyat kare ki itna maal falan ko de diya jaye ya hiba kare.

Aur usi bimari mein uska inteqal ho jaye, is surat mein sirf ek tihayi maal ki had tak sadaqah nafiz (zari) hoga. Baaqi do tihayi warison ko milega. Isliye ki yeh warison ka haq hai, isliye ki marne se pehle bimari mein hi us maal ke sath warison ka haq mutalliq ho jata hai.

Socha yeh tha ke aakhri umar mein jakar kisi sadaqa-e-zariya mein laga denge to sari umar sawab milta rahega. Halanki yeh halate majboori ka sadaqah hai.  Ajr-o-sawab wala sadaqah to woh hai jo sehat ke waqt mein maal ki zaroorat aur mohabbat aur uske jama karne ke khayal ke waqt mein kiya jaye. Dekhiye→ Rabbighfir Warham Wa Anta Khairur Rahemeen

Wasiyyat Ek Tihayi Maal ki Had Tak Jaari Hoti Hai

Yahan yeh baat samajh lijiye ki baaz log wassiyat ke khwahish-mand to hote hain ki sadaqa-e-zariya mein koi cheez lag jaye, aur marne ke baad uska sawab milta rahe, lekin agar woh apni zindagi mein sehat ki halat mein yeh wasiyyat likh gaye ki mere marne ke baad itna maal falan zaroorat mand ko de diya jaye, to yeh wassiyat sirf ek tihayi ki had tak nafiz (zaari) hogi, ek tihayi se zyada mein nafiz nahi hogi, isliye Nabi-e-Kareem SallALLAHu ‘Alayhe Wasallam farma rahe hain ki, sadaqa karne ka daeya (jazba) paida hua hai us par abhi amal kar lo.

Apni Aamdani Ka Ek (1) Hissa Sadaqah Karne Ke Liye Alag Kar Do

Aur iska ek tariqa main aapke samne pehle bhi bayan kar chuka hoon jiska buzurgon ne bhi tajurba kiya hai. Us par agar insan amal karle to phir sadaqah karne ki toufeeq ho jati hai. Dekhiye→ Dawat Khane Ki Dua

Warna hum log to nek kaam ko taalne ke aadi ban chuke hain. Yeh tariqa yeh hai ki aapki jo aamdani hai uska ek hissa muqarrar kar len ki yeh hissa ALLAH ke raah mein sadaqa karenge ALLAH Ta’ala jitni toufeeq de.

Chahe woh daswan (10) hissa muqarrar kare ya beeswan hissa wagairah, aur phir jab aamdani aaye. Usme se woh muqarrar hissa nikaal kar alag rakh de aur uske liye koi lifafa bana lo.

Usme dalte jao, ab yeh lifafa khud yaad dilata rahega ki mujhe kharch karo, kisi sahi masraf (kharch ki jagah) par lagao. Uski barkat se ALLAH Tabarak Wa Ta’ala kharch karne ki toufeeq de dete hain.

Warna agar kharch ka mauqa samne aata hai to, aadmi sochta rehta hai ki kharch karoon ya Na karoon. Lekin jab yeh lifafa maujood hoga, pehle se uske andar paise maujood honge.

Woh khud yaad dilayega aur mauqa samne aane ki surat mein sochne ki zaroorat pesh nahi aayegi, agar har insan apni hesiyat ke mutabiq yeh mamool bana le to uske liye kharch karna asaan ho jayega. Dekhiye→ Nakhun Katne Ka Sunnat Tarika

ALLAH Ta’ala Ke Yaha Ginti Nahi Dekhi Jati

Yaad rakho ALLAH Tabarak Wa Ta’ala ke yaha ginti aur tadad nahi dekhi jati, balki jazba aur akhlaq dekha jata hai.

Ek aadmi jiski aamdani sau (100) rupay hain, woh agar ek (1) rupya ALLAH ke raah mein deta hai. Woh us aadmi ke barabar hai jiski aamdani ek lakh rupay hai.

Aur woh ek hazar rupaye ALLAH ke raah mein deta hai, aur kuchh pata nahi ki woh ek rupya dene wala apne ikhlas ki wajah se usse bhi aage badh jaye.

Is waaste ginti ko na dekho, balki yeh dekho ki ALLAH Tabarak Wa Ta’ala ke raste mein sadaqah karne ki fazeelat hasil karni hai. ALLAH Ta’ala ki razamandi hasil karni hai to phir apni aamdani ka thoda sa hissa ALLAH ki raah mein zaroor kharch kar do.

Mere Walid Ka Mamool

HAmesha mehnat se hasil hone wali aamdani ka beeswan hissa aur begair mehnat ke hasil hone wali aamdani ka daswan hissa.

Alag lifafe mein rakh diya karte the. Aur aapka yeh sari zindagi ka mamool tha. Agar ek rupya bhi kahin se aaya to usi waqt uska daswan hissa nikaal kar uski rezgari kara kar us lifafe mein daal dete. Dekhiye→ Namaz Se Pehle Takbeer

Aur agar sau (100) rupaye aaye to das rupaye daal dete. Waqti taur par agarche is amal mein thodi se dushwari hoti thi. Ki filhal toote huye paise maujood nahi hain.

Ab kya karen, uske liye mustaqil intezam karna padta tha, lekin sari umar kabhi bhi is amal ke khilaf nahi dekha aur maine woh thaila kabhi sari umar bhi khali nahi dekha, Al-humdullilah.

Is amal ke nateeja yeh hota yeh hota hai ki jab aadmi is tarah nikaal nikaal kar alag karta rehta hai to woh thaila khud yaad dilata rehta hai ki mujhe kharch karo, aur kisi sahi jagah par lagao, ALLAH Ta’ala uski barkat se kharch ki toufeeq ata farma dete hain.

Sadaqah Dene Ki Kya Koi Dua Bhi Hai?

Maine Quran-e-pak mein taqreeban 71 ayatein aisi parhi hai jin mein ALLAH Jalla Jalaaluhoo ne sadaqah ka zikr kiya hai. Unme se chand ka is post mein bhi zikr karunga. Zarur parhiye→ Ya Zal Jalali Wal Ikram

Quran-e-pak mein Surah #57 Surah Al-Hadeed ki ayat #18 mein ALLAH Rabbul ‘Izzat ka irshad-e-mubarak hai:

إِنَّ الْمُصَّدِّقِينَ وَالْمُصَّدِّقَاتِ وَأَقْرَضُوا اللَّهَ قَرْضًا حَسَنًا يُضَاعَفُ لَهُمْ وَلَهُمْ أَجْرٌ كَرِيمٌ

Innal mussaddiqeena walmussaddiqaati waqradullaha Qarzan Hasanaa yuza-‘afu lahum walahum ajrun kareem

Beshak khairat karne wale mard aur khairat karne wali auratein aur jinho ne ALLAH ko achha qarz diya unke liye dugna kiya jayega aur unhe umdah badla milega.

Sadaqah Aur Sadaqah-e-Jariya Mein Kya Faraq Hai?

Sadqah se murad apne maal-o-daulat mein se ALLAH Ta’ala ki khushnoodi (raza) ke liye ghareeb aur miskeen ke liye kharch kiya jaye.
Jabki sadqah-e-jariya se murad aise nek aimal hain jiska fayedah insan ke marne ke bad bhi duniya wale uthate rahen. Zarur parhiye→ Nooh Alaihis Salam Ki Dua

Sadaqah Ki Iqsaam (Qismein)

  1. Farz Sadaqah- Farz sadqah yani ke zakat jo ke Islam ka teesra rukun hai.
  2. Wajib Sadqah- Sadqah-e-fitr, qurbani aur nazr karna waghaira wajib sadqaat hai.
  3. Nifli Sadqah- Aam taur par ki gayi khair khairaat ko nifli sadqat mein shumar kiya jata hai.

Sadqah-e-Jariya Ki Iqsaam (Qismein)

Sadqah-e-Jariya ki mandarja zail qismein hain.

  1. Aisa ilm jo insan ne kisi ko sikhaya ho ya phailaya ho.
  2. Nek aulad jo apne walidain ke liye dua kare.
  3. Koi bhi nek amal jo waqf kar diya jaye yani jis ka faiz (fayedah) agli naslen uthati rahen, jaisa ke pani ka kunwan khudwana, masjid banwana, musafir khana banwana, darakht lagana waghairah.

Sadqah-e-Jariya ka savab na sirf is duniya mein milta hai balki marne ke bad bhi milta rahta hai. Zarur parhiye→ Doodh Peene Ki Dua

Kis-Kis Shakl Mein Sadaqah Diya Ja Sakta Hai?

  • Zarurat mand ki mali imdad karna yani paise dena sadqah hai.
  • Kisi bhooke ko khana khilana sadqah hai.
  • Mohtaj/yateem ko kadpe dilana sadqah hai. Zarur dekhiye→ Ayat-e-Sakina Ki Fazilat
  • Yahan tak ke parindo ko dana pani khilana-pilana bhi sadqah hai.

Sadqah Ke 12 Fayde

Sadqah dene ke be panah fayde hain jaisa ke,

  1. Dil Ki sakhti ko khatm karke naram banata hai.
  2. Aafat-o-museebaton ke liye ek dhaal (bachaw ka zariya) hai.
  3. Kulli shifa ka zariya hai.
  4. Maal mein zyadti aur barkat ka moajab (wajah) hai.
  5. Izzat ka muhafiz hai. Zarur dekhiye→ Rishta Pakka Hone Ki Dua
  6. ALLAH Ta’ala ke ghusse ko thanda karne ka behtareen zariya hai.
  7. Rizq me izafe ke liye farishte dua go hote hain.
  8. Buri maut se hifazat karta hai.
  9. Maut ko taalta hai.
  10. Jannat ke darwazon se guzar hoga.
  11. Dozakh ki aag aur qabr ke azab se bachata hai.
  12. Roz-e-Mahshar aag barsati garmi mein thanda saya banta hai.

Sadaqah Dene Ki Dua

Sadaqah dene ki dua aisi to khas kisi bhi Hadees-e-mubarika se sabit nahi hai. Lekin Quran-e-pak ki ayat-e-mubarika ka wird karna sawab kamane ka zariya hai.

Jab sadaqah de aur ye ayat-e-mubarika parhenge to sadaqah dene aur is ayat ka wird karne dono ka sawab yaqinan milega, Insha ALLAH.

sadaqah ki dua surah baqarah ayat 127

Sadqah Ki Ahmiyat Aur Fazilat

Sadaqah dene ke bare mein badi hi jani mani bat saalon se main sunte aya hoon jo ke sach hai. Ke Jab bhi sadaqah do to aise do ke ek hath se dusre hath tak ko khabar na lage. Zarur dekhiye→ Cheenk Aane Ke Baad Ki Dua

Sadaqah kisi ko dikhakar ya kisi ko dikhane ke liye hargiz na do. Jaise ke ajkal fashion chal raha hai ghareebon ko khada kar ke video aur photo banwate hai sadaqah dete hue. Jo ALLAH ke liye nahi kiya kisi aur ko dikhane ke liye kiya wo sarasar shirk hai.

Sadqe ki Ahmiyat aur fazilat sirf Quran Pak tak hi mahdood nahi hai balki bahut si Ahadees mein bhi iske bare mein zikr aaya hai.

Quran Pak Ki Roshni Mein

﴿وَما تُنفِقوا مِن خَيرٍ فَلِأَنفُسِكُم وَما تُنفِقونَ إِلَّا ابتِغاءَ وَجهِ اللَّهِ وَما تُنفِقوا مِن خَيرٍ يُوَفَّ إِلَيكُم وَأَنتُم لا تُظلَمونَ ﴿٢٧٢﴾ لِلفُقَراءِ الَّذينَ أُحصِروا فى سَبيلِ اللَّهِ لا يَستَطيعونَ ضَربًا فِى الأَرضِ يَحسَبُهُمُ الجاهِلُ أَغنِياءَ مِنَ التَّعَفُّفِ تَعرِفُهُم بِسيمـٰهُم لَا يَسـَٔلونَ النّاسَ إِلحافًا وَما تُنفِقوا مِن خَيرٍ فَإِنَّ اللَّهَ بِهِ عَليمٌ

Surah Baqarah, Ayat Adad 273

Tarjuma:

Aur jo bhi tum bhali cheez ALLAH ki raah mein kharch karoge uska fayedah khud paoge. Tumhen sirf ALLAH ki razamandi talb karne ke liye khairaat karni chahiye aur jo bhi tum bhali cheez kharch karoge tumhen uska pura-pura badla diya jayega aur tum par zulm nahi kiya jayega. Sadqaat ke mustahiq sirf fuqra hain jo ALLAH ki raah (jahad) mein rok diye gaye. Jo zameen mein (karobar waghairah) ke liye chal phir nahi sakte, nadaan log unki be sawali ki wajah se unhe maldaar khayal karte hain, aap unki alamat se unhe pahchan lenge. Wo logon se chimat kar sawal nahi karte aur tum jo kuch maal kharch karoge beshak ALLAH Ta’ala use Janne WALA hai.

Ahadees Ki Roshni Mein

Hazrat Anas Bin Maalik RadiALLAHu Anhu se marwi hai ke Huzoor Pak ﷺ ne farmaya,

“Beshak sadqah ALLAH Ta’ala ke ghusse ko thanda karta hai aur buri maut se bachata hai.”
Is Hadees ko Imam Tirmizi aur Ibn Habban ne riwayat kiya hai. Imam Tirmizi farmate hain : ye Hadees is sanad ke sath Husn Ghareeb hai.

Hazrat Abu Huraira RadiALLAHu Anhu se riwayat hai ke Rasool ALLAH ﷺ ne farmaya,

“Jisne pak kamayi se ek khajoor ke barabar sadqah kiya, to ALLAH Ta’ala usko APNE dayen hath mein le leta hai aur ALLAH sirf pak kamayi ko qubool karta hai, phir usko khairat karne wale ke liye paalta rahta hai jis tarah tum mese koi shakhs apne bachhre ko paalta hai yahan tak ke wo khairat pahad ke barabar ho jati hai.”

Saheeh Bukhari, Jild Awwal, Hadees :1336

Sadqah karne ki itni barkatein hain ke hamein bhi ise apni zindagi ka hissa banana chahiye. Mushkilaat door aur aasaniyan paida hone ka behad aasan zariya hai. Bas ke rizq halal, niyyat pak aur kisi qism ka dikhawa na ho. Maqsad sirf ALLAH ki raah mein kharch karna ho. ALLAH ke bandon ki khoob madad kijiye. ALLAH Zille Shanahu aapki madad farmaye ga, aameen ALLAHumma aameen.

Join ya ALLAH Community!

FaceBook→ yaALLAHyaRasul

Subscribe to YouTube Channel→ yaALLAH Website Official

Instagram par Follow Kijiye instagram.com/yaALLAH.in

21 Comments

  1. Atta zafar on said:

    Kia non Muslim ke naam ka sadqa krskte hain?

    • wo khud dena chahe to den ALLAH ki rah mein

  2. AOA sir mera nikah howa hai aur main apny husband k sth bhot batamezi karti hu ms n bawi sub k sth thk rahti hu plz mujy btain k jadu chek krny ki dua ygisy k liye dua

  3. Assalamualikum bhai shadi ke leye mujarrab wazifa bataye plz 1000 wazife kar chuki hu

  4. fatima on said:

    assalaamualaikum..the wazifa which was sent by u regarding getting back of ur loved ones.i read wrong.it didnt work.wt to do

  5. Babar on said:

    میری ایک دوست کی والدہ نے خواب دیکھا جس میں میں بہت اچھے کپڑے پہن کر انکے گھر جاتا ہوں بنا بتائے اور انکی لڑکی کو کیک پیش کرتا ہوں جس پر اسکی والدہ مجے کہتی ہیں تیری اتنی جرات کیسے ہوئے اور اسکے ساتھ بیٹھے ہوئے لڑکی کے 2 ماموں میرے بارے میں لڑکی کی ماں سے پوچھتے ہیں کہ آپ اسکو جانتی ہیں تو لڑکی کی والدہ کہتی ہیں ہاں اچھا لڑکا ہے جانتی ہوں میں۔
    اسکی تعبیر بتا دیں براہ مہربانی۔
    جزاکاللہ۔

  6. Babar on said:

    Jo dua ap ny oper likhi ha us main see zabar ki ghalti ha myry mehdod Ilm k mutabiq ap 1 martaba quran Pak sy recheck ker lyn ayat ko.

    Innal musaddaqeena nahi ha innal musaddeqeena ha quraan Pak main.

    • Jaza kALLAHu khair sis upar sahi hai.

  7. Shamshad Begum on said:

    Assalamu alaikum Imran bhai,

    Mujhe kaafi mahino se acidity ki shikayat huee hai aur abhi mera 6th month chal raha hai pregnancy ka mujhe acidity se bohat takleef hoti hai main kuch bhi na khaa sakti hoon aur na paani tak pi sakti hoon mujhe kuch bhi hazam nahi hota fauran omit ho jaati hai ya phit loose motion ho jaate hai meri haalat bohat kharaab chal rahi .

    Aapse fuaa ki khaas darkhwaast hai air agar koi ilaaj ya wazifa ho to please jaldi se jaldi batana please bhai

    Aapki bahen

    Shamshad Begum 🙏

  8. Muskan on said:

    Aap mujhe muhabbat ki shading pr koi bahut power full wzifa bata de pls aapki badi meharbani hogi… Dua krliiyega

  9. ARONA YADE on said:

    please send newsletter in English or French—Thank you

Apne sawal yahan puchiye!