Apni qaum se mayus hokar Hazrat Nooh Alayhis Salam ki dua hai jise parhkar aapne ALLAH Ta’ala se manga. Kyonke Hazrat Nooh Alayhis Salam ne apni qaum ko bar-ha (baar-baar) Islam ki dawat di. Lekin unki qaum ne unhe sakht mayoos kiya. Jo kalam Aap Alahis Salam ne parha, uske barkat se ALLAH Ta’ala ne Aapki dua bhi qubool farmayi.
Hazrat Nooh Alaihis Salam Ki Dua
Phir ALLAH Ta’ala ne Aap Alayhis Salam ko kashti banane ka hukm diya. Aap Alayhis Salam ne kashti banayi aur sabko kashti mein sawar (safar) hone ki dawat di. Magar chand logon ke siwa sabne kashti mein sawar hone se inkar kar diya. Zarur parhiye→ Bismillah Hirrahman Nirrahim Kya Hai?
ALLAH Tabarak Wata ‘Ala ne Aap Alayhis Salam ki qaum ko ghaarat (tabah) kar diya siwaye unke jo Aap Alayhis Salam ki kashti mein sawar (baithe) the.
Hazrat Nuh ki bahut hi khas dua hai jise ALLAH Ta’ala ne hargiz radd (zaya) nahi hone diya balki qubooliyat ka sharf bakhsha.
Hazrat Nuh Alaihis Salam ki dua ye hai:
رَبِّ انْصُرْنِیْ
Rabbin Surni
My Lord! Help Me!
Ae Mere Rabb! Meri Madad Farma!
Para #18 | Surah #23 | Al-Muminoon | Ayat #26 ka ek hissa
Rabbin Surnee Ki Tafseer
Ye kalimaat Hazrat Nooh A.S. ne kab aur kyon kahe?
Jab Nooh A.S. apni qaum ko haq ki dawat dete. Ap A.S. unse farmate:
Ae Meri qaum! ALLAH hi ki ibadat kiya karo USKE siwa tumhare liye koi ma’abood banne layaq nahi (aur jab ye ek bat sabit hai to) phir kya tum (dusron ko ma’abood banane se) darte nahi ho.
Aur haq ki is dawat ko Ap A.S. ki qaum thukrati rahi. Aapki qaum ke jo kafir sardar the Ap A.S. ko mamuli admi samajhne lage aur na ke ALLAH ka Nabi. Aur ye samajhne lage ke ye apni izzat aur rutbah banane ke liye ye sab kar rahe hai. Aur ALLAH ko agar Nabi bhejna hota to farishton ko bhejta.
Bas Nooh A.S. ne apni qaum se mayus ho kar ALLAH se apni hi qaum se badla lene ki dua ki. Aur parha ‘Rabbin Surnee’. Yani Ae Mere Rabb! Meri Madad Farma, ya mera badla le.
Aur phir ALLAH ta’ala ne aapko kashti banane ka hukm farmaya.
Hajat Ke Liye Dua Parhne Ka Tareeqa
Ye dua kisi bhi hajat ya sakht pareshani ke hal ke liye jab chahen shuru kar sakte hain. Wuzu ki halat mein parhiye. Parhte waqt apne maqsad ko zehan mein rakhiye. Zarur parhiye→ Cheenk Aane Ke Baad Ki Dua
Panchon namazon ke bad is kalam ki ek tasbeeh zarur parhiye. Phir dono hath utha kar ALLAH Tabarak Wata ‘Ala ki bargah mein Hazrat Nooh Alayhis Salam ke waseele se dua kijiye. Khoob ro-ro kar dil se dua kijiye.
Insha ALLAH, aapki dua zarur qubool hogi. Aapki pareshani ka khatma hoga. Aapki murad zarur bar (poori) aayegi.
If you loved this post please do not forget to share it with your loved ones, earn rewards.
Join ya ALLAH Community!
FaceBook→ yaALLAHyaRasul
Subscribe YouTube Channel→ yaALLAH Website Official
Instagram par Follow Kijiye→ instagram.com/yaALLAH.in
Assalamu Alaikum…Bhai mujhe white spots ki problem Hai kafi time se bahut ilaj karaya par theek nahi hua ab kisi ne ek product use Karne ko bataya Hai wo patanjali ka product Hai or uske dabbe par om likha Hai kuch log kehte Hain patanjali ke product use nahi Karna chahiye muslim ko kyunki wo Haram Hai aap batayein Kya hum use kar sakte hain ke nahi beemari ke liye
Ap na karein use. Main inke products use nahi karta aur na apne logo ko use karne ko kahta hoon. Bahtar hai zaitoon ka tel par 41 times surah fatihah dam karke rakhe aur wo lagaye. Agar usse koi side effects ya allergy hai apko to wo b nahi kare use. Doctor ko dikhaye phir.