Nooh Alaihis Salam Ki Dua

November 15th, 2020

Apni qaum se mayus hokar Hazrat Nooh Alayhis Salam ki dua hai jise parhkar aapne ALLAH Ta’ala se manga. Kyonke Hazrat Nooh Alayhis Salam ne apni qaum ko bar-ha (baar-baar) Islam ki dawat di. Lekin unki qaum ne unhe sakht mayoos kiya. Jo kalam Aap Alahis Salam ne parha, uske barkat se ALLAH Ta’ala ne Aapki dua bhi qubool farmayi.

Hazrat Nooh Alaihis Salam Ki Dua

Phir ALLAH Ta’ala ne Aap Alayhis Salam ko kashti banane ka hukm diya. Aap Alayhis Salam ne kashti banayi aur sabko kashti mein sawar (safar) hone ki dawat di. Magar chand logon ke siwa sabne kashti mein sawar hone se inkar kar diya. Zarur parhiye→ Bismillah Hirrahman Nirrahim Kya Hai?

ALLAH Tabarak Wata ‘Ala ne Aap Alayhis Salam ki qaum ko ghaarat (tabah) kar diya siwaye unke jo Aap Alayhis Salam ki kashti mein sawar (baithe) the.

Hazrat Nuh ki bahut hi khas dua hai jise ALLAH Ta’ala ne hargiz radd (zaya) nahi hone diya balki qubooliyat ka sharf bakhsha.

Hazrat Nuh Alaihis Salam ki dua ye hai:

Nooh Alaihis Salam Ki Dua rabbin surnee

رَبِّ انْصُرْنِیْ

Rabbin Surni

My Lord! Help Me!

Ae Mere Rabb! Meri Madad Farma!

Para #18 | Surah #23 | Al-Muminoon | Ayat #26 ka ek hissa

Rabbin Surnee Ki Tafseer

Ye kalimaat Hazrat Nooh A.S. ne kab aur kyon kahe?

Jab Nooh A.S. apni qaum ko haq ki dawat dete. Ap A.S. unse farmate:

Ae Meri qaum! ALLAH hi ki ibadat kiya karo USKE siwa tumhare liye koi ma’abood banne layaq nahi (aur jab ye ek bat sabit hai to) phir kya tum (dusron ko ma’abood banane se) darte nahi ho.

Aur haq ki is dawat ko Ap A.S. ki qaum thukrati rahi. Aapki qaum ke jo kafir sardar the Ap A.S. ko mamuli admi samajhne lage aur na ke ALLAH ka Nabi. Aur ye samajhne lage ke ye apni izzat aur rutbah banane ke liye ye sab kar rahe hai. Aur ALLAH ko agar Nabi bhejna hota to farishton ko bhejta.

Bas Nooh A.S. ne apni qaum se mayus ho kar ALLAH se apni hi qaum se badla lene ki dua ki. Aur parha ‘Rabbin Surnee’. Yani Ae Mere Rabb! Meri Madad Farma, ya mera badla le.

Aur phir ALLAH ta’ala ne aapko kashti banane ka hukm farmaya.

Hajat Ke Liye Dua Parhne Ka Tareeqa

Ye dua kisi bhi hajat ya sakht pareshani ke hal ke liye jab chahen shuru kar sakte hain. Wuzu ki halat mein parhiye. Parhte waqt apne maqsad ko zehan mein rakhiye. Zarur parhiye→ Cheenk Aane Ke Baad Ki Dua

Panchon namazon ke bad is kalam ki ek tasbeeh zarur parhiye. Phir dono hath utha kar ALLAH Tabarak Wata ‘Ala ki bargah mein Hazrat Nooh Alayhis Salam ke waseele se dua kijiye. Khoob ro-ro kar dil se dua kijiye.

Insha ALLAH, aapki dua zarur qubool hogi. Aapki pareshani ka khatma hoga. Aapki murad zarur bar (poori) aayegi.
If you loved this post please do not forget to share it with your loved ones, earn rewards.

Join ya ALLAH Community!

FaceBook→ yaALLAHyaRasul

Subscribe YouTube Channel→ yaALLAH Website Official

Instagram par Follow Kijiye instagram.com/yaALLAH.in

14 Comments

  1. Mrs.ikram on said:

    Aslm bhai.bhai wo onion wala wazifa ke liye Mujhe WHITE onion nahi mil raha. White exterior peel nahi mil raha please help kijiye ..normal jo daily cook karte hai like pinkish peel waale wohi hai.kya karun

    • Nahi mil raha to jo available hai wo istemal kar len.

  2. Saleem on said:

    Asslamualaykum
    Bhai Mera Dukan Ka kiraidar 4 saal se dukan kar kiraya nhi de rha aur dukan bhi nhi kholta aur naa khali karta hai aur vo bohot powerful hai meri dukan bohot choti hai mai apni dukan thodi bdi karna chata hu vo kisi trah dukan khali nhi karrha 2 lakh rupay mang rha hai mere pass bilkul paise nhi hai mai usse apni dukan khali krana chata hu aap se guzarish hai ki aap koi assan sa wazifa mujhe bta de jisse mere dukan vo aadmi jaldi khali khud se dukan khali kar de

  3. Beena on said:

    Assalamualaikum bhai
    Mera sawal hai ki Shahalam ke ursh se pehle nikah kiya ja sakta hai.?? Means 1 Chand se 16 Chand tak??

      • Azra Faisal on said:

        Asalam alekum mjhy istikahra krwana hay or apna msg personal krna hay yaha public mai show hota hay ap plz email add ya koi personal msg k liye btaye plz plz

  4. Mrs.Ikram on said:

    Aslm bhai.me Surah Al ahzab wazifa kar rahi hoon 15 days se.but ab Mujhe menses hogaye ..toh ayat har Roz jo parhna hai wo Mujhe jubani nahi aati toh Kya karun??mere nikah ke liye dua kijiye bhai

  5. rabia on said:

    Sir m chahti hu k mera issi saal mbbs m public sector m lahore ki medical uni m admission ho jaye bazahir competition bht tough h koi strong r best wazifa bata dae ta k mra issi saal mbbs m admission hoske govt uni m lahore ki

  6. Eisha on said:

    aslamualaikum bhai muje dolat main se rukawat kahtam krne ka wazifa bta… AUR BHAI PLEASE DUA KRDE KE ALLAH MERI MUSHKILEN AUR PARESHANIA DUR KAR DEN

Apne sawal yahan puchiye!