Nakhun Katne Ka Sunnat Tarika

Hazrat Abdullah bin Umar Razi ALLAHu Ta’ala ‘Anhu Nakhun Katne Ka Sunnat Tarika ke bare me riwayat karte hai hai Ke Rasoolullah ﷺ ne farmaya moo-e-zer naaf moondna, nakhun tarashwana aur moonchh katrana paidaishi sunnatein hai.  Saheeh Al-Bukhari Hadees | No. 5890

Nakhun Katne Ka Sunnat Tarika

Nakhun katne ka sunnat tarika batane se pahle main apko ye batlata chaloon. Ke nakhun katne ki koi aisi khas dua Hadees se sabit nahi hai.

Chahe dono hathon ke ho ya phir paaon ke nakhun ho. Inhe taraashna nek amal bhi ban sakta hai. Yani safayi ki safayi aur sawab ka sawab. Zyada mushkil nahi hai. Zarur dekhiye HD Image→ Aaina dekhne ki dua

Sunnat Tariqe Se Nakun Kaatna Ya Tarashna Bahot Asan Hai

Main shuru mein mushkil se 2-3 bar hi samajhkar ye kar paya tha. Magar itne salon se ab nakhun thik waise jaise sunnat tariqa hai taraasha karta hoon.

Yaqeen janiye in chhote-chhote aamaal ko agar ham apni adat bana lein to inka ajr-o-sawab bahot hi bada hai.

Nakhun Kaatne Yani Taraashne Ke Bare Mein Kuch Sunnatein

Hazrat Abu Hureira R.A. ne Nabi-e-Kareem ﷺ se riwayat ki hai ke Aap ﷺ ne farmaya

Fitra (ke fazail) paanch (5) hain ya paanch (5) cheezein fitra ka hissa hai: khatna karana, zer naaf baal moondna, nakhun taraashna, baghal ke baal ukhedna aur moonchh katarna. “

 Saheeh Al-Muslim | Hadees No. 597

Hazrat Anas Bin Malik R.A. kahte hai ke

Hamare liye moonchhon ke taraashne, moo-e-zer naaf moondne, baghal ke baal ukhedne, aur nakhun taraashne ke bare mein waqt ki ta’een kar diya gayi hai ke ham inhe chalees (40) din se zyada na chhorhe rakhe.

 Sunan Ibn-e-Maja | Hadees No. 295 |  Darja: Saheeh Darussalam

Nakhun Kab Nahi Kaatne Ya Taraashne Chahiye?

Ummul Mumeneen Umm Salmah R.A. se riwayat hai ke

Nabi-e-Kareem ﷺ ne farmaya,

Jo maah zil hijjah ka chand dekhe aur qurbani karna chahta ho wo (jab tak qurbani na karle) apna baal aur nakhun na kaate.

Imam Tirmizi kahte hai ye Hadees Hassan Saheeh hai.

 Jam’e At-Tirmizi | Hadees No. 1523 |  Darja: Saheeh Darussalam

 

Nakhun Nahi Kaatne Yani Taraashne Ke Nuqsanat

Science ki research ke mutabiq ek aam sehatyab insan ke nakhoon poore mahine mein yani taqriban 30 din mein 3 milimitre tak bad jate hai. Aur is hisab se ye poore 50 saalon mein taqriban 1.8 metre tak bad sakte hai. Dekhiye→ Naye Kapde Pehanne Ki Dua in Hindi-Wear New Clothes

Social medicine ki research ki ek report mein ye diya gaya hai ke jo koi insan nakhun bada kar rakhta hai. Use typhoid, diarrhea, cholera, aanton mein soojan hone aur anchahe bacteria paida hone ka bahot zyada khatra hota hai.

Jo khawateen yani auratein nakhun bada kar rakhti hai unhe aam taur par khoon ki kami yani anemia ki beemari hone ka andesha hota hai. Aur Pinworm infection (chhote-chhote safed keede) hone ka khatra zyada hota hai. Jiski wajah se pet ki aur bhi bimariyan ho jati hai.

Jiske nakhun bade hote hai wo shakhs wuzu ke dauran kanon ki galiyon mein ander tak ungliyan nahi pher sakta. Aur isi wajah se uske kanon ki galiyon mein gandgi jama hi rahti hai. Aur wo beemari ka sabab ban jati hai. Zarur dekhiye→ Sar Dard Ki Dua

Nakhun Kaatne Yani Taraashne Ki Ahmiyat

Jume ki namaz ki tayyariyan karne se azeem sawab hasil hota hai. Tayyariyon jaise zer naaf baal moondna, nakhun taraashna, baghal ke baal ukhedna aur moonchh katarna.

Inke ilawa ghusl karna, pak saf kapde pahenna, apno kapdo mein se achhe (umdah) kapde nikalkar pahenna. Attar (itr) lagana yani khushbu lagana aur surma lagana.

Juma ki namaz se farigh hone ke Surah Kaif parhna.

Nakhun Kaatne Yani Taraashne Ka Sunnat Tarika

Nakhun Katne Ka Sunnat Tarika sidhe hath

Nakhun Katne Ka Sunnat Tarika ulta hath

Hath Ke Nakhoon Kaise Kaaten

Dahine hath ki shahadat ki ungli se shuru karen aur chungli ya’ni chhoti (chitti) ungli tak katen. Phir bayen hath ki chhungli se bayen hath ke anguthe tak kaatein. Dekhiye→ Bazar Me Jane Ki Dua

Aur phir aakhir mein dahine hath ke anguthe ke nakhun kat lein.

Paaon Ke Nakhoon Kaise Kaaten

Dahine paon ki chungli (chitti ungli) se shuru karke anghuthe tak kaat lein. Uske bad bayen paon ke anguthe se chungli (chitti ungli) tak. Tarteeb waar nakhun kaatna chahiye. Yehi tariqa Huzoor ﷺ ke nakhun kaatne ka shaami mein manqool hai.

Huzoor ﷺ jumu’a ke din namaz se pehle nakhun aur munchhon ko kat-te the. Jo shakhs jumu’a ke din nakhun katega, agle jumu’a tak ke balaon se us ko ALLah panah denge.

Agar apko post pasand aye to apno se share zarur kijiyega.

Join ya ALLAH Community!

FaceBook→ yaALLAHyaRasul

Subscribe to YouTube Channel→ yaALLAH Website Official

Instagram par Follow Kijiye instagram.com/yaALLAH.in

21 Comments

  1. Aslamualaikum please muje driving test pass karne ke liye koi wazifa bta den jisse main pass ho jaon main pehle bhi 2 baar test deh chuki hun par fail ho ghai kyun ke muje ek dam se ghabrahat shuru ho jati hai heartbeat fast ho jati hai main panic ho jati hun jiski waja main ghalti kar jati hun

  2. Assalam o alikum Bhai mujha apni khala ki beti k bara main bt krni hai ap sy meri khala apni beti ko ly k bht zaida Pershan Hain un ki beti Ka naam Sana nasaar hai 16 Saal ki hai khala Ka naam raseehda sultana hai un ki beti na bht Pershan keya howa hai unha bahar England k mulk main Hoti Hain MERI khala or un ki sari family un ki beti clg jati hai likn clg sy wapis ghr wapis Nahi ati Raat ko b ghr sy bahar rhti hai apna maaa baap ki bt bilkul b Nahi sunti unha kehti hai mujha nafrat hai un sy meri khala na koi wazifa Kuch b Nahi chora sb Kuch kr k Dekh chuki Hain likn us bachi par koi asaar Nahi Hota meri khala 5 wqt namaz pharti Hain bs is beti ki wja sy bht zaida Pershan Hain mehrbani kr k koi wazifa batayen yh koi address wgra yh rabta number Dy Dy apna kmeri khala ap sy bt kr ly mehrbani kr k rabta kry

      1. Bhai ap apna koi rabta no Dy skty hain insta par Jo contact hai us sy rabta Hu Jaye ga meri khala na bt krni hai bht musibaat main Hain wo

      2. Assalamualaikum!Mene khawb me daikha k mujy heart attack daikha ur me apnii mama ko bula rhii thi ur jab wo ati hai me un se baat ni kr paati

Apne sawal yahan puchiye!