Murgi Zibah Karne Ki Dua

July 6th, 2022

Deen-e-islam mein murgi zibah karne ka sahi tarika kya hai? Murgi zibah karne ki dua kya hai? Kya auraton ko murga-murgi zibah karne ki ijazat hai? Yahan ham tafseel se sahi malumat janenge.

Murgi Zibah Karne Ki Dua

Murgi Zibah Karne Ki Dua

Islam mein har chiz jo ham karte hai, khate hai, pite hai har chiz mein sawab kamane ka mauka ALLAH Ta’ala ne ata farmaya hai.

Yahan ham murgi zibah karne ki dua ke hawale se apko na sirf dua ke bare mein malumat hasil hogi. Balki zibah karne ka sahi tarika bhi tafseel bataya jayega. Yahan dekhiye→ Miswak Ke 70 Fayde

Kayi log ise murgi halal karne ki dua bhi kahta hai. Jabki ye kahna durust nahi hai. Halal to hamare liye murgi pahle se hi qaraar de di gayi hai. To is tarah se bolkar ham anjane mein gunahgar banne se parhez karein.

Sawalaat-Jawabaat

1. Kya ghair musalman ke hathon zibah kiya gaya janwar halaal hai?

° Ji nahi, ghair musalman ke hathon se zibah kiya gaya zanwar halal nahi hai.
Chahe usne sahi tarike se zibah kiya ho aur dua bhi achhi tarah se padhi ho. Phir bhi wo janwar musalman ke liye haram hi hoga.

Ghaur Talab:- Zibah karne wala musalman hona, imaan wala hona behad zaruri hai.

2. Kya na baligh bachcha zibah kar sakta hai?

° Ji han, nabaligh bachcha zibah kar sakta hai. Ba shartein usmein samajhdari ho ke wo sunnat tariqe se zibah kar raha hai.

3. Kya khawateen murga ya murgi zibah kar sakti hai?

° Ji han, agar ghar mein mard na ho. Aur use sahi tariqa aur dua maloom ho to aurat zibah kar sakti hai.

4. Kya janwar padakne wala bhi musalman hona zaruri hai?

° Ji nahi, zanwar ko sirf pakde rehna wala insan momin na bhi ho to koyi harj nahi. Kyunki halaal to wo nahi kar raha usne sirf janwar pakda hua hai. Yahan dekhiye→ Eid Ke Din Padhne Ki Dua

5. Kya agar ghalti se murgi ki puri ghardan kat jaye to wo murgi halaal hogi ya nahi?

° Agar jaan bujh kar puri gardan kaat di jaye to us murgi ka ghosht khana maqrooh hai. Lekin agar dil mein irada ho ke sunnat tarike se halaal karunga aur ghalti se gardan kat jaye to uske ghush ko khana halaal hai.

6. Agar dua padhna bhul gaye aur zibah kar diya to kya zibah kiya gaya janwar ka ghosh halaal hai?

° Ji han, agar dil mein irada ho ke dua padhna hai. Lekin bhul se zibah kar diya to bhi wo ghosh halaal hai.

7. Murgi ya koyi bhi janwar pahle hi mar gaya to use halaal kar sakte hai?

° Bilkul nahi, agar zibah karne se pahle hi uska dam nikal chuka hai to use zibah karna jayaz nahi balki makrooh hai.

Murgi Zibah Karne Ka Sahi Tarika

Murgha ya Murghi ko sahi tariqe se zibah karna ham sabhi ko ana chahiye. Aksar ghar mein aise chhote-chhote parindon ko zibah karne ka kaam pad hi jata hai.

1. Sabse pahle murgi ke nazron se bacha ke chhuri tez kar len.

Ek hadees-e-mubarika ka mafhoom hai:

Aap ﷺ ne farmaya:

“ALLAH Ta’ala ne har chiz ke sath ehsaan ka hukm diya hai, lihaza maidan-e-jung mein tum dushman ko qatl karo to achhe andaaz se karo tadpa ke na karo,

aur jab tum janwar ko zibah karo to zibah bhi achhi tariqe se karo ehsaan ke sath karo aur apni chhuri ko tez karlo aur zabiha (janwar) ko aaraam puchao”.

Yani agar chhuri apki tez nahi hogi to zahir si bat hai gardan ki raghon ko katne mein janwar ko takleef hogi. Jiski wajah jaan nikalne mein bhi takleef hogi. Yahan dekhiye→ Ghusl Karne Ki Dua Aur Niyyat

2. Murgi ke dono pankhon aur pairon ko achhe se pakad lijiye.

3. Phir uski gardan ko pakden.

4. Phir niche di gayi dua ko ek martaba padhein.

5. Phir tez chhuri se uske munh ke niche wale gardan ke hisse ko asani se zibah karein.

6. Aur gardar ki chaaron raghon ko kat den. Lekin thoda sa hissa chhod den. Yani gardan ko ek dam alag nahi karen.

7. Phir uske dono pairon ke ghutno ki raghon ko bhi thoda-thoda kat den. Zibah hote hi jab raghein kat jati hai to dil aur dimag ki jo raghein hai wo bhi kat jati hai isse janwar ko takleef nahi hoti hai.

8. Aur phir murgi ko thodi der ke liye chhod dijiye. Take khoon beh jaye or uski jaan asani se nikal jaye.

Zibah Karne Ki Dua

“Bismillahi ALLAHu Akbar”

Is dua ko murga ya murgi zibah karne se thik pahle ek martaba padhenge.

Chahen to teen (3) martaba bhi padh sakte hai.

Is tariqe se agar ap zibah karenge aur dil mein ALLAH ke huqm ki tameel ke niyyat se karenge to ALLAH Azzawajal apko dheron sawab se malamaal farmayega. Yahan dekhiye→ Kunde Ki Niyaz in Hindi

Aur apke rizq mein khoob barkat ata farmayega. Insha ALLAH.

Ghaur Kijiyega: Murgi ko Zibah karne se pahle batayi gayi ye dua kisi Hadees-e-mubarika se sabit nahi hai. Aur na hi hamein iska koi hassan ya daeef Hadees Shareef mein hawala mila hai.

Magar kisi bhi nek kaam ko ALLAH Ta’ala ke naam se shuru karna aur sath hi ALLAH Rabbul ‘Izzat ki ‘hamd-o-sana karna sunnaton bhara amal hai. Jiski wajah se azeem sawab hasil kiya ja sakta hai.

Agar apko hamari yeh post pasand ayi to sawab-e-jariya ki niyyat se apne pyaron se zarur share kijiyega.

Aur dheron sawab hasil kijiyega.

Jazak ALLAHu khair.

Join ya ALLAH Community!

FaceBook→ yaALLAHyaRasul

Subscribe to YouTube Channel→ yaALLAH Website Official

Instagram par Follow Kijiye instagram.com/yaALLAH.in

Apne sawal yahan puchiye!