ALLAH Ta’ala ke pak kalaam ke zariye kale jadu ka tod bade hi asani se mumkin hai. Chahe phir kitna hi khatarnak se khatarnak hi kala jadu hi kyun na ho. ALLAH ne chaha to khalaasi zarur milegi. 

Kale Jadu Ka Tod Ki Dua-100% Kaargar

Aajke daur mein apne kya paraye kya, har koi bas haasid hi bana baitha hai. Koi kisi ki khushi bardasht nahi kar sakta. Log hasad ke maare ghalat kamon mein parh jate hain aur dusron ko nuqsan pahunchane ki khatir gande amal karne wale aamilon ke piche lag jate hain.

Aur apni duniya aur aakhirat dono kharab kar lete hain. Zarur parhiye→ Jadu Ka Tor Quran Se

Kala Jadu Aakhir Kaise Ho Jata Hai?

Tona-totke wala kuch bhi kha lene se. Massaan ki raakh yaani ghair imaan walon mein murde ko jalane ke bad jo raakh bachti hai. Us raakh ke zariye ganda ilm kiya jata hai. Jise ganda amal bhi kahte hai. Gudde, guddiyon aur putlon par jadu kar unhe sooyiyan chhubon kar bhi ganda amal kiya jata hai. Zarur parhiye→ Black Magic in Islam Quranic Cure-Prayer Success Proofs

Ya kisi weeran jagah par jane se, khas kar weerane mein khawateen ke khule baal rakh kar jane se, bure jinnat peechhe lag jate hai. Aur kayi bar anaari aamilon ke ghalat amliyat ke natije mein kala jadu ka palat waar ho jata hai.

Aur na jane kitne tarah ke gande asrat hote hai. Jinke zariye kisi masoom ki zindagi barbad kar di jati hai.

Kale Jadu Se Mukammal Nijat Pane Ka Tareeqa

Baz auqaat to kale jadu se chhutkaara aasani se mil jata hai. Magar zyadah tar aisa dheet aur khatarnak aur sakht jadu hota hai ke jane ka naam hi nahi leta. Jisse log mayoos hone lagte hain. Asal bat ye hai ke jitna sakht aur purana jadu ho, utna hi utarne mein waqt lene lagta hai.

Aise mein sabr ka daman hath se nahi chhorna chahiye. Himmat aur kamil yaqeen ke sath kalaam ALLAH padh kar ALLAH Jalla Jalaaluhu se khoob dua karni chahiye. Beshak Wohi shifa dene Wala hai aur musibatzadon ko musibat se nikalne wala hai. Zarur parhiye→ Hisar Banane Ka Tarika

Mujhe kayi logon ke emails aur paighamaat mausool (mile) hue hain jo gande jadu ke bure asraat mein mubtila hain aur nijat pane se qasir (nakam) hain. Unme se chand ke paighamaat unhi ki zubani aapke samne pesh kiye deta hun.

Miyan Biwi Ki Baahami Nachaaqi (Apasi Gharelu Jhagde)

Sawal:

Meri aur mere shohar ki do hafte mein do, teen bar tabiyat kharab ho jati hai. Hamare apas mein fuzool mein ikhtalafaat (ladayi jhagde) ho jate hain. Dil mein ek dusre ki muhabbat nahi hoti. Jummerat wale din hamare ghar gosht ke tukde aaye. Subah baher geraaj mein pade hue the. Hamare ghar mein parindo ke ande toot jate hain aur ye kafi arse se ho raha hai. Hamari aulad bhi nahi ho rahi.
Meherbani karke ye tashkhees kijiye ke ye sab kyun ho raha hai aur iski wajah kya hai?

Tangon Mein Shadeed Dard

Sawal:

Meri beti ki umr pandrah saal hai. Uski tangon mein bahut dard rahna shuru ho gaya hai. Doctoro ko dikhaya hai, koi wajah samne nahi aa rahi. Kamzor bhi nahi hai. Khooraak bhi theek hai. Koi mushaqqat (mehnat) ka kaam bhi aisa nahi hai. Mujhe badi pareshani hai. Meri ek hi beti hai. Meherbani karke meri madad farmayen. Zarur parhiye→Kala Jadu Sifli Ilm Ka Ilaj Amal-Black Magic Sifli Ilm

Javab:

Aapki beti ki tangon mein dard ki wajah tibbi nahi, roohani hai. Is par aasebi (jinnati) asraat hain. Namaz ki pabandi kijiye. Quran Pak ki tilawat ka ahtamam kijiye. Mard ghar mein oonchi awaz mein tilawat karen jabke khawateen ahista awaz mein tilawat karen. Ba-wuzu rahne ki adat daliye. Khas kar raat ko sote waqt zarur wuzu kijiye. Ayatul Kursi aur charon qul ki tilawat kijiye. ALLAH Tabarak Wata ‘Ala ke Naam Mubarak ‘ya Hafeezu ya Haafizu’ ka kasrat se wird kijiye.

Sath hi sath ek bada hi khas Qurani amal batlaye deta hun. Ise zarur parhiye. Insha ALLAH, ek hi hafte mein ziddi aur akhkhad (sakht tareen) asebi asraat aur jadu toona se nijat mil jayegi, aameen.

Maoozateen Ka Amal-e-Khas

Sifli, jadu, aseb, kala saya aur har gande asar ke khatme aur hifazat ke liye maoozateen badi khas ahmiyat rakhte hain. Quran Pak ki Surah adad 113 Surah Al-Falaq aur Surah adad 114, Surah An-Naas maoozateen ke naam se jani jati hain.

Kale Jadu Ke Tod Ke Liye Wazifa Parhne Ka Tarika

Surah Falaq aur Surah Naas ko ba-wuzu rozana ek sau (100) martaba parhkar pani par dam karke giyarah (11) din tak piyen. Nagha nahi aana chahiye. Agar mareez khud apne liye ye amal nahi parh sakta to uska koi azeez uske liye ye amal parh sakta hai. Chahen to sab ghar wale ye dam kiya hua pani pi len.

Insha ALLAH, giyarah (11) din mein hi mareez ke jism aur ghar se jinnat ka saya nikal jayega. Aur kisi bhi tarah ka ganda amal kiya hoga ya sifli jadu kiya hoga to wo sab nest-o-naabood ho jayega.

Ghaur Talab:

Khawateen haiz/mahwaari/ayyaam mein ye wazifa na parhen to behtar hoga.

Join ya ALLAH Community!

FaceBook→ yaALLAHyaRasul

Subscribe YouTube Channel→ yaALLAH Website Official

Instagram par Follow Kijiye→ instagram.com/yaALLAH.in