Is post mein ap har khwab ki tabeer online post mein aap wo tamam khwabon ki tabeer parhenge jo “OP” alfaz se shuru hote hai. Misal ke taur par “P” se Paisa khwab mein dekhna kaisa hota hai? → Islamic Dream Interpretation Meaning-Khwab ki Tabeer 

Mere Har Khwab Ki Tabeer Online-OP

﷽
Sallallahu ‘Alayhe Wasallam

Is page par apko “OPS” alfaz ke tamam khawabon ki tabeer ke bare mein parhne ko milega.

Paisa-Maal-o-Daulat (Money/Cash)

Aam Taur Par Paisa-Maal-o-Daulat Dekhna

Khwab mein paisa dekhna faaltu guftagu/baat cheet aur ibadaat me kami ko zaher karta hai. Iske ilawa iska ek matlab ilm, aqeede, rahnumaayi ya hukoomati mulazim banne ka bhi ho sakta hai.

Plated Coins

Mulamma sikke se murad jhoot, ja’al saazi ya (triviality) mamuli aur kam aham cheez ki taraf ishara hai.

Sikka Nigalna

Aitmad khone yani bharosa todne ki alamat hai.

Sikkon Ki Taadad Dugni Dekhna

Agar koi shakhs khwab mein sikkon ki taadad do guna zyada dekhta hai. Yani agar uske pas 5 sikke hain lekin dekhte hi dekhte uske pas 10 sikke ho jate hain to isse murad hai ke uski daulat mein do guna izafa hoga. Iske bar-aks/ulat agar wo sikkon me do guna kami hote dekhta hai to isse murad hai ke uski daulat me do guna kami aayegi.

Kundah Kiya Hua Sikka/Engraved Coin

Kundah kiya hua sikka hasil karne se murad hai ke wo shakhs apne khandan ke hathon dukhi hoga (or for the sake of a protege of his.)

Dher Sare Paise

Khwab mein dher sare paise dekhna ladayi jhagde ki alamat hai.

Paison Ki Aamad

Waqif zariye se paise wasool karna zehni dabaw ki alamat hai. Jabke ghair waqif/anjaan zariye se paise wasool karna aafat ki alamat hai.

Paise Dena-Paying Money

Takleef, mushkilaat ya kisi bhi tarah ke bojh ke rafa/dafa hone ki alamat hai.

Pani (Water)

Thanda Pani Pina

Agar koi shakhs khud ko khwab mein pani ke nal/tooti se thanda pani peete hue dekhta hai, to ye khushi aur sukoon ki alamat hai.

Garam Pani Pina/Garam Pani Istemal Karna

Khwab mein khud ko garam pani peete hue dekhna beemari, zehni dabaw aur kisi bad-rooh ki wajah se khauf mein mubtila hone ki nishani hai. Garam pani se khud ki safayi karte dekhna fayede ki alamat hai.

Samandari Saaf Pani Pina

Agar koi shakhs khwab mein khud ko samandar ka saaf pani peeta dekhta hai yani us pani mein na to gadla pan/mitti hai aur na hi us pani mein koi bhi lahrein dikhayi de rahi hain. To iska matlab hai ke wo duniya ki daulat itni taadad mein hasil karega jitni miqdaar mein usne pani piya hai. Mazid ye ke wo achhi aur khushgawaar zindagi basar karega/guzaarega.

Samandari Khaara/Namkeen Pani Pina

Lekin agar samandar ka pani khaara/namkeen ya ganda hai ya samandar andhere me dhanpa hua hai ya pani ek badi aur khaufnaak samandari laher ki shakal mein hai. To aise pani ko peena gham, khauf aur museebat ki taraf ishara karta hai.

Pani Par Chalna

Khwab mein khud ko pani par chalta dekhna, ALLAH Ta’ala ki Pak Zaat par kamil imaan aur yaqeen ko zaher karta hai. Sath hi sathi insan ki achhi niyyat ko bhi zaher karta hai. Iska ek aur matlab ek pecheedah/mushkil masle ko wazeh karna bhi ho sakta hai.