Is post mein ap har khwab ki tabeer online post mein aap wo tamam khwabon ki tabeer parhenge jo “B” alfaz se shuru hote hai. Misal ke taur par “B” se bachcha, bandar, billi ya phir bichhu khwab mein dekhna kaisa hota hai?→ Islamic Dream Interpretation Meaning Khwab ki Tabeer 

Mere Har Khwab Ki Tabeer Online-B

﷽
Sallallahu ‘Alayhe Wasallam

Is page par apko “B” alfaz ke tamam khawabon ki tabeer ke bare mein parhne ko milega.

Bachcha-Baby

Nauzaida Bachcha- Newborn

Nauzaida bachcha (newborn baby) yani naya-naya paida hua bacha jiske hua uske liye gham aur pareshaniyon ki alamat hai.

Bachcha-Baby

Ek chhota bachcha yani nauzaida (naya-naya paida hua bachcha) na ho balki bada bacha ho. Ese bachche ko khwab mein dekhna khushiyon aur masarrat ki alamat hai.

Billi-Cat

Uska kisi tijarat (Business) se hissa. Ya Jaydad me se hissa ya phir kisi bhi kam me uska hissa.

Kisi Shadi-Shuda Ne Billi Dekhi

Apne shauhar, Biwi Ya Bachchon se kanni kaatna. Yani kinara karna door rahna. Unke liye iska ye bhi matlab ho sakta hai ke unki ladayiyan ho.

Zinah ya najayaz aulad ki alamat bhi ho sakti hai.

Agar Billi Ne Kuch Churaya Hai

To wo shakhs jurmana bharega. Ya rishtedaron se jhagde honge.

Jungli Billi

Musibaton ki alamat hai.

Billi Ne Kaata

Poore saal bhar wo shakhs beemar rahega.

Bosa Lena-Kissing

Zindah Shakhs Ka Bosa

Khwab mein koi shakhs ye dekhe ke usne kisi ka bosa liya hai yani kiss kiya hai. To uska chahne wala aur dost hoga.

Agar jiska bosa liya wo anjan shakhs hai to matlab jahan se ummid na hogi wahan se fayda hasil karega. Aur agar janne wale kisi shakhs ka bosa liya hai to usse khair yani bhalayi payega.

Murde Ka Bosa

Agar kisi ne ye khwab dekha ke wo kisi murde ka bosa le raha hai aur wo bhi shahwat (sexually) mein. To matlab murde ke liye khair karega ya phir khair ki dua se yad karega.

Hazrat Jafar Saadiq A.S. ne farmaya hai ke khwab mein bose lene ki daleel chaar (4) wajah par hai.

1. Khair-o-munfa’at (mufeed)
2. Hajat rawayi
3. Dushman par fatah pana
4. Achhi bat sunna