Is post mein ap har khwab ki tabeer online post mein aap wo tamam khwabon ki tabeer parhenge jo “A” alfaz se shuru hote hai. Misal ke taur par “A” se aag ya phir aatish khwab mein dekhna kaisa hota hai?→ Islamic Dream Interpretation Meaning Khwab ki Tabeer 

Mere Har Khwab Ki Tabeer Online-A

﷽
Sallallahu ‘Alayhe Wasallam

Is page par apko “A” alfaz ke tamam khawabon ki tabeer ke bare mein parhne ko milega.

Aabadi Yani Bheed-Bhaad-Population

Aabad Jagah Ko Veeran Yani Sunsaan Dekhna

Agar koi aabadi yani bheedbaad wale ilaqe ko veeran dekhe. To us jagah bala aur musibat pahunchegi.

Aabadi Jagah Mein Dekhna

Agar koi shakhs khwab mein apne ap ko aabadi ki jagah mein muqeem dekhe yani khud ko wahan dekhe. To iski daleel hai ke aabadi ke andaze par khair-o-nafah payega.

Aabadi Ki Jagah Mein Veeran Dekhna

Agar koi shakhs khud ko aabadi ki jagah mein veeran dekhe. To iski daleel ye hai ke wo shakhs sharr aur fasaad aur nuqsan payega.

Aag Yani Aatish-Fire

Baghair Dhooye Ke Aag

Hazrat Daniyal A.S. ne farmaya hai ke agar khwab mein aag baghair dhooye ke dekhe to daleel hai ke badshahi ke qareeb hoga. Adarbasta kaam yaani ruke hue kaam pure honge.

Dhooye Daar Aag

Usko maal-e-haram yaani haram maal mehnat aur ranj yani dukh se milega. Aur bahot sa jhagda dekhega.

Aag Se Garmi Aur Tapish

Koi shakhs agar ye dekhe ke usko aag se garmi aur tapish pahunch rahi hai. To iski daleel ye hai ke koi shakhs uski gheebat kar raha hai.

Bhadakti Hui Aag

To iski daleel hai ke tap se beemar hoga.

Aag Ne Jism Jala Diya Hai

Daleel hai ke jalan ke mutabiq usko tanj aur nuqsan pahunchega.