Dushman Ki Zuban Bandi Ki Dua

May 4th, 2021

Sabhi dushmano ki zuban bandi ke liye khas dua kyonke hamare aas pas aksar hamare haasid (jalne wale) maujud rahte hain. Jo hamari zara-zara se kamyabi par bhi hamse jalte rahte hain. Kuch to zuban se eeza (takleef) pahunchane ki koshish karte hain. Jabki kuch aadhe tedhe hathkande (harbe/tareeqe) istemal karte hain.

Dushman Ki Zuban Bandi Ki Dua

Apka Dushman Apke Samne Zindagi Me Kabhi Nahi Bolega

Ise parhne ke bad dushman aapka baal bhi beeka nahi kar payega. Apke samne kabhi apni zuban nahi kholega. Yani aapko zarra barabar bhi nuqsan nahi pahuncha payega, insha ALLAH.

Shart yahi hai ke ye wazifa jayaz maqsad ke liye hi parha jaye. Misal ke taur par agar dushman apko najayaz pareshan karta ho. Kisi bhi taur par ap par zulm-o-sitam karte rahta ho. To aise mein usse panah lene ke liye is wazifa ko parhne ki un mazloomon ko bilkul ijazat hai.

Hasad Nekiyon Ko Khane Wala Ek Deemak

Hasad deemak (keeda) ki tarah insan ki nekiyon ko kha jata hai. Amooman insan ke qareebi log hi sabse bade haasid sabit hote hain. Inme sab se qareeb ke rishtedaar aur dost ahbab sar-e-fahrist (sab se pahle) hain. Zarur parhiye→ Doodh Peene Ki Dua

Dil mein bughz rakhne wale rishte daron se aapki khushi dekhi nahi jati. Isliye wo apne andar hi andar aapse dushmani paalne lagte hain. Bad-goyi (buraiyan) shuru kar dete hain. Waqt ke sath-sath unke dil ka bughz parwaan (barhne) charhne lagta hai. Jiski wajah se wo khatarnak had tak aapko nuqsan pahunchane ki koshish karte hain. Aise logon ko ye nahi malum ke wo aapse zyadah apna khud ka nuqsan kar rahe hote hain. Kyunki ye hasad aur dushmani unki gini chuni nekiyon ko chaat jata hai. Aur unka nama-e-aimal khali kar jata hai.

Baharhaal, mere sabhi pyaron ko pareshan hone ko zarurat nahi hai. Aapke liye ek aham wazifa main le aaya hun. Aapka dushman chahe kitna hi taqatwar kyun na ho, iske parhne ke bad munh ke bal gir ke rahega. Zarur parhiye→ Wazifa to Get Rid of Mother in Law

Dushman Ki Zuban Bandi Ka Amal Parhne Ke Khas Fawaid

Is amal ke parhne wale ko bahut se fayede mayassar (milenge) aayenge. Jaisa ke,
* Dushman ki karwi zuban ke waar se bachaw hoga.
* Dushman ki chalne wali ya chal chuki har chaal se hifazat rahegi.
* Dushman ka banaya gaya har ghalat mansooba nakam hoga.
* Is amal ka aadi insan ALLAH Pak ki khas amaan (hifazat) mein aa jayega.

Gharz ye ke ye dua parhne wale ka dushman ALLAH Azzawajal ki khas rahmat se zer (nakam) ho kar rahega, aameen.

Dushman Ki Zuban Bandi Ki Dua fa innahu shamsu

فَاِنَّهُ شَمْسُ فَضْلٍ ھُمْ کَوَاکِبْھَا یُظْھِرْنَ اَنْوَارَھَا لِلنَّاسِ فِی الظُّلَمٖ

Fa-Innahu Shamsu Fadlin Hum Kawaakib-ha Yuz-hirna Anwaaraha Linnaasi Fizzulami

फ़ इन्नहू शम्सु फ़ज़्लिन हुम कवाकिब-हा युज़-हिरना अनवा-रहा लिन्नासी फिज़-ज़ु-लमि

Dushman Ki Zuban Bandi Wazifa Padhne Ka Tareeqa

  1. Ye wazifa aap kisi bhi behtar waqt aur jis din chahen shuru kar sakte hain.

  2. Sab se awwal wuzu bana lijiye.

  3. Apne maqsad ko puri tarah se apne zehan mein le aaiye. Yani aapke dushman ki paidah kardah takhreeb kaariyon (ghalat harkaton) ko apne dimagh mein rakhte hue uska tasavvur kijiye. Aur dil mein murad yahi rakhiye ke jald se jald aapko usse chhutkara mil jaye.

  4. Sab se pahle koi si bhi Durood Shareef teen (3) martaba parhiye.

  5. Upar di gayi dua ko teen sau terah (313) martaba parhiye. Yad rahe ke dushman ka tasavvur aapke dil aur dimagh mein barabar bana rahe. Jitna mazboot tasavvur hoga utna hi tez aur asardaar natija samne aayega, insha ALLAH.

  6. Aakhir mein phir se wahi Durood Shareef teen (3) martaba parhiye jo shuru mein parhi thi.
  7. Jab aap pura amal parh chuken to ALLAH Zille Shanahu se iltija kijiye. Aapke dushman ka naam lete hue khoob aajzi ke sath dua kijiye. Agar dushman ki walidah ka naam malum hai to wo bhi lijiye. Aur agar mukammal naam nahi malum to sirf dushman ka naam hi le lijiye. Dua kijiye ke ALLAH Ta’ala aapko aapke dushman ki har buri nazar, hasad aur ghattiya chaalo se mahfuz rakhe. Dushman ka har shar aur waar raigan (zaya) jaye.

  8. Is amal ki koi khas miyad nahi hai. Aap jab tak parhna chahen parh sake hain.

Insha ALLAH, dushman apne gande iradon mein kabhi kamyab na ho payega. Uski har saazish nakaarah (na kamyab) hokar rahegi, aameen!

Dushman Ki Zuban Bandi Ke Liye Ek Aur Khas Aur Chhota Sa Amal

Upar batlaye gaye amal ke sath mein agar is wird ka bhi mamul bana liya jaye to sone par suhaga hoga. Aur sadqah dene ka mamul to zarur banaiye. Insha ALLAH, har shareer (shararat) karne wale ke shar se hifazat ki guarantee hogi. Amal yahan se parhiye→ Quran Prayer for Protection Safety Hifazat Ki Dua in Hadees

Ghaur Talab: Khawateen haiz/ mahwaari/ ayyaam mein ye amal parhna chahen to parh sakti hain.

Apne sabhi pyaron ke sath ye wazifa zarur share kijiye. Kyunki sabko iski badi zarurat hogi. Unki zarurat puri kijiye aur ALLAH se inaam wusool kijiye. Jaza kALLAHu Khair!

Join ya ALLAH Community!

FaceBook→ yaALLAHyaRasul

Subscribe to YouTube Channel→ yaALLAH Website Official

Instagram par Follow Kijiye instagram.com/yaALLAH.in

30 Comments

  1. Afreen on said:

    Assalamu alaikum…apse contact krna h ..
    Mere susral me m bhot pareshan hu please meri help kr do

  2. Syed banu on said:

    Assalamu alaikum

    Please suggest me a wazifa to shut my brothers month is talking alot behind my back, and forced me to take divorce from husband not allowing me to do job also

    Just speeding false news among relatives About me and mom and mentally harassing us fir money, my dad also passed away.

    Please I have no there side to ask for help please suggest me some wazifa to shut his mouth and mouth of enemies…. Not to speak against or anything about me around society or people

    Please

    • Do the above given wazifa sis.

  3. A on said:

    Salaam,

    Im having issues at work. My line manager hates me, shes jealous for no reason. Shes trying to get rid of me due to this. She extended my probation for no reason. Everyone at work can see how she treats me. But its not just her its the whole management team. What kind of wazifa can you give me to keep her and everyone else away from me and so they dont bother me at all. I want something that will make her change her the way she speaks and acts around me, and doesn’t say anything Bad against me.

  4. Moula bee on said:

    Assalam alaikum bhai
    Hamare ghar me bahut badi problem aagayi hai hamare bhabhi sasti ke liye ladke unke papa ke saath jaake case kar baite hai mere bhaiya ammi muje mere do beheno ke name likha ke dowry, atempt murder case dale hai hame waisa kuch nahi kiye hai fir bi aisa kare hai court me case registere hogaya hai . Ye sab hal hone ke liye koyi wazifa batayiye plzz , hum sab ko bahut darr horaha hai
    Zajakallahu khair

  5. Zoya on said:

    Assalamualaikum Imran Bhai Mai bht bari mushkil Mai phans gai hoon koi mujhse galti hui or ab wo larka mujhe blackmail krrha hai akser msg krta hai k mere ghr Mai bta Dega Mai tang agai hoon Zindagi se par pta hai khudkushi k baad bhi azaab hi milna koi wazifa btadain k wo Mera pecha chor de or Allah mere gunnah maaf krke Meri Zindagi asaan krde .. mujhe pta hai bhtt bari glti hia par Kya pta Allah maaf krde kuch Aisa btadian k wo kahin garaak hojaye mere ghr wlao Tak na pohanch ske …bht meherbani hogi apki ..

  6. Kainat on said:

    Bhai mery susral waly mujy acha nai smjty na hi koi ahmiat dety hain baqi baho se drty hain jubke mujy ignore karty hain na he mera husband sath deta ha unki fever krty hain plz kuch aisa amal btain k aik he bar krny se wo mujy importance dainy lag jain

  7. Rafiya on said:

    Aslamualikum

  8. A on said:

    Aoa
    Meri sis ki shadi ko10 mnth hoy hn. Os k sysral waly boht preshan krty na khrcha dety osku sas bety r sb rishty darun sy jhot bolti jo baat hoti hi ni wo krti ha. Shohr na khud kuch bolta kisi ko r na meri sis ko ammi logyn ko kuch btany deta. Mene neem wala wzefa kia os k liy mgr phir boht ziada tnshn bnni hoi ha. Koi help kr dein.

  9. Nasreen on said:

    Salaam brother I read a wazifa here on your website which I cant seem to find now. The wazifa was to protect my house from black magic being done again and again. It said to imagine my house in my mind and read something and blow on my finger and rotate my finger whilst imagining my house. Could you please tell me this wazifa. What needs to be read and how.

  10. Sk..hum on said:

    Aoa maire husband se kuch share karti hun unk log k bare mein.toh unhe jake bata dete hai.ise unk ridshtedaaro mein buri hojathi.n they silently ignore me kuch wazifa k mai share kar sakun aur kisko bole bhi nai

  11. AOA bhai mera nikah howa hai main apny husband sy bhot Zada batanezi karti hu mujy nai samaj aa rahi mujy kia ho jata unki haar baat pay cheer jati hu main har baat oay gusa main kia karu mujy baad main fell b hota hai woh bht samjty mujy magur main nai smajti hu bus oncha bolna unko chup krwa deti kuch hal btain

  12. FaizA on said:

    Salam Bhai meri sister ki shadi nhi ho rahi bht rishty walio ko pesay b dye par lati nhi ya baat nhi banti.bht sary wazaif duaein kr chuky hn.kuch btyen plZ

  13. A.B.M.Nazmul Alam on said:

    Dear Al Imran,
    Assalamualaikum,
    This not related this post. I am requesting
    you to provide a strong dua for daughter marriage
    Jazakllahu Khair .

  14. Tabbu on said:

    Assalamualikum bhai mere husaband bhut nashe krte he ap esa amal bataye jisse mere husaband nashe krna band karde

Apne sawal yahan puchiye!