Bidat Kya Hai?

November 29th, 2022

Bidat ke hawale se apke mann mein sawal uthte honge ke, “bidat kya hai”? “Kya bidat bhi shirk mein shumar hai”? Bidat ke karne walon ko kya sila milega”? “Jane anjane aapse bhi bidat to nahi to jati hai”?

Bidat Kya Hai,Qisme Aur Hadees

Bidat Ka Matlab Kya Hota Hai?

Bidat ka lafzi maana hai nayi cheez ya naya kaam. Koyi bhi naya kaam jo Nabi ﷺ ke waqt par nahi thi deen me nahi shumar tha. Har wo naya kaam jo Quran aur hadees me na ho aur use baad mein man ghadant bana kar jod diya ho. Use bidat kaha jayega.

Khas kar ke wo kaam jo is niyyat se kiya jaye ke usko karne se sawab hasil hoga lekin aisa kuch nahi hai to wo bhi bidat hai. Yahan Kunde Ki Niyaz in Hindi dekhiye!

Bidat Kya Chiz Hoti Hai?

Badat sharayi aur istilayi aitibar se us qaul, us amal, us fail, us aqida ke jo Nabi-e-kareem ﷺ ke daur ke baad hua use bidat kahenge.

Jaise Hazrat Umar Farooq R. A. ne jb taraweeh ki jam’at baqaidah qaayam farmayi aur masjid mein aa kar taraweeh ki namaz ba-jamat hote huye dekha to unke jaban-e-aqdas se yeh jumla nikla :

“Nehmatil bidatu hazihi”

“Yeh kya hi achhi bidat hai”

Isse maloom hua ke har bidat buri nahi hoti.

Ummul momineen Hazrat Ayesha Siddiqui R. A. ne irshad farmaya, “ke Nabi Kareem ﷺ ke baad jo sab se pahle bidat logo ne ki wo unka pet bhar kar khana khana hai”

Goya ke Nabi Kareem ﷺ ke jamane ke baad jo bhi kaam kiya jayega jo unke jamane mein nahi thi use bidat kahenge.

Umar Farooq R. A. ke qaul “kya hi achhi bidat hai” se ishara mil gaya ke har bidat buri nahi hoti.

Jo naya qaul, naya amal, naya akhiqa, naya fail Qur’an aur hadees ke khilaaf hoga wo bura bidat hai. Aur jo Qur’an aur hadees ke khilaf na ho use bidat-e-hasana kahenge, ke wo achhi bidat hai. Yahan Bazar Me Jane Ki Dua dekhiye!

Qur’an majeed aur Nabi-e-Kareem ﷺ ki sunnat se hat kar jo bhi kaam kiya jata hai use bidat kaha jayega.

Shara’i tariqe se dekha jaye to bidat ke muamle mein thoda sa ikhtilafaat hai. Jo ke unke (Ullama) ke mukhtalif yani alag-alag bayanat se sabit hote hai.

Kuch Ullama batate hai koyi bhi naya kaam jo Nabi-e-Kareem ﷺ ke zamana-e-aqdas ke baad yani unke duniya se pardah farmane ke baad deen aur duniya mein kiya jaye use bidat kahte hai.

Jabki baaz Ullama hadees-e-mubarika ke mafhoom ke sath kahte hai ke Hazrat Muhammad ﷺ ne farmaya “mera zamana sabse bahtareen zamana hai, phir jo isse mila hua hai aur phir jo isse mila hua hai” Yani teen zamano ki ﷺ ne achhe aur sahi hone ki gawahi di hai.

Isliye Ullama kahte hai ke in teen zamano ke baad jo bhi kaam deen aur duniya mein laya jayega use bidat kahenge.

Sahi wasihat jispar hame ghaur karna chahiye wo yahi hai ke Hazrat Muhammad ﷺ ke duniya se pardah farma jane ke baad deen aur duniya mein jo bhi naya kaam laga gaya ho wo bidat kahlayega. YahanTahajjud Ki Namaz Padhne Ka Tarika dekhiye!

Bidat Aur Shirk Me Farq

Bidat hoti hai koyi bhi naya kaam jo Nabi ﷺ ke zamane me deen me shumar nahi tha. Har wo naya kaam jo Quran aur hadees me na ho aur use baad mein man ghadant bana kar jod diya ho. Use bidat kaha jata hai.

Jabki shirk ek dam alag masla hai. Shirk ka matlab hota hai shareek karna. ALLAH Pak ek hi ma’abood hai aur USKE siwa koi aur ibadat ke layaq nahi.

To jab ALLAH Ta’ala ke sath kisi ko shareek kiya jaye to kabeera gunah hai aur iski mafi nahi. Ghair imanwale ALLAH Pak ke siwa kisi aur ko pooj kar unki ibadat kar shirk karte hai.

Bidat Ki 3 Qismein Hai

1. Bidat-e-Hasana:

Yeh bidat Quran hadees usool ke mutabik ho aur inke mutabik hi banayi gayi hai. Logon ko deen ke taraf mayil karne ke liye, deeni muamle mein tarakki lane ke liye ho aur neki ko dhyan mein rakh kar kiya gaya ho. Ise bidat-e-hasana kahenge.

Jaise Hazrat Umar Farukh R. A ne apne zamane mein taraweeh ba-jamaat padhne ka ehtemaam farmaya.

Aur khud irshad farmaya “yeh kya hi achhi bidat hai”.

Hazrat Abu Bakar Siddiqui R. A. ne jam’a-e-Qur’an ki shuruat ki, jab ki hamare Nabi ﷺ ke pardah farmane se pahle ye nahi tha.

Phir Hazrat Usman Ghani R. A. ne pahli jumu’ah ki azaan ka ehtemam kiya jabki isse pahle jumu’ah ke khutbe se bilkul pahle sirf ek azaan hoti thi.

Us waqt bazare dor-dor tak fail chuki thi, logo ki jama’at chhut jati thi. Isliye is kaam ki shuruat ki gayi.

Niche di huyi hadees se in sab chizon ke bidat-e-hasana matlab achhi bidat hone ki dalil sabit hoti hai.

Aap ﷺ ne farmaya:

“Jo mere baad zinda rahega, ankareeb bahut se ikhtelaf dekhega, to tum meri ‘Sunnat’ aur hidayat yafta khulfa-e-Rashideen ke tareekekar ko laazim pakad lena, us se chimat jana, use daaton se mazboot pakad lena, aur deen mein nikali gayi nayi baaton se bachte rahna, kyunki har nayi baat bidat hai, aur har bidat gumrahi”.

Is bidat mein shart yeh hai ke us zamane ke bade bade Ullama ise karne ijazat de tabhi ise bidat-e-hasana kahenge warna koyi bhi jahil admi naya kaam deen mein la kar kahega ke yeh deen ki bhalayi ke liye hai, jab ki usmein koyi achhayi na ho. Isliye Ullama ki ijazat ke sath hi ise hasana kah sakte hai.

6 kalime, iman-e-musaffal iman-e-mujmal, Qur’an paak mein mujmal siparon mein iski taqseem.

Phir hadeeson ki kitab ke zariye hadeeson ko likhna jaise Sahih Al-Bukhari, Sunan Nisai, Adu Dawood, Ibne Majah wagairah.

Phir is zamane mein madarson mein waqt qayam karna is waqt yeh padhna hai. Us waqt wo padhna wagairah wagairah. Yeh sab naya kaam hai jo ALLAH ke Nabi ke zamane mein nahi thi lekin deen mein layi gayi hai.

Phir jalson ka ehtemaam, milad karwana juloos nikalwana, yeh tamaam chizen nayi chiz hai. Aur ismein puri ummat shamil hai.

Is bidat mein bhi do qismein hai. Yahan Subah Uthne Ki Dua dekhiye!

Ek hai bidat-e-wajiba:

Is bidat ko Qur’an aur hadees sikhne liye laya gaya. Aur gumrah firqon ko radh karne ke liye dalayil qayam karna.

Dusra hai bidat-e-mustahibah:

Wo nek kaam jo ﷺ ke waqt mein nahi kiya jata tha.

Madarson ki tameer jo Nabi ﷺ ke zamane mein nahi tha. Jaise us waqt ke log zameen par namaz padhte the. Diware mitti ki hua karti thi ya khajoor dehniyon ki aur unke jo chhat the wo bhi khajoor ki dehniyon se banti thi.

Abhi ke masjidon ko pakka banaya jaa raha hai. Gumbadon aur minaron se sajaya jaa raha hai. Loudspeaker ka istemaal kiya jaa raha hai.
Azan ke baad As Salaatu Was Salaam pukarna ye bhi bidat-e-mustahibah hai.

Kuch Ulama ke kitabon mein in dono bidaton ka karna sahi qarar kiya gaya hai. Balki kabhi kabhi to in bidaton ka karna zaruri ho jata hai yeh bhi likha hai.

2. Bidat-e-Sayyiyah

Yeh bidat Qur’an aur hadees ke bilkul mukhtalif matlab Qur’an aur hadees ke khilaf ho. Aur iska karna bhi bilkul haraam hai. Chahe wo ibaadat ke mauzon mein kuch jodna ho.Yahan Ya Zal Jalali Wal Ikram dekhiye!

Aur isi ke bare mein Nabi ﷺ ne farmaya :

Hadees #1

Bidat Kya Hai hadees

“Deen mein har naya kaam ‘Bidat’ hai, aur har ‘Bidat’ gumrahi hai,
Aur har gumrahi ‘jahannam’ mein le jayegi!

Sunan An Nasai #1578

Hadees #2

ALLAH ke Nabi ﷺ ne farmaya:

Deen mein nikali gayi nayi baaton se bachte rehna, isliye ki har nayi baat bidat hai, aur har bidat gumrahi hai.

Abu Dawood #4607 Saheeh

Hadees #3

Ummul monimeen Hazrat Ayesha R. A ne farmaya:

“Jo hamare is Deen mein koyi aisi nayi baat paida kare jo ismein nahi hai, to wo mardud hai”.

Ibne Isa ki riwayat hai ke Nabi-e-Kareem ﷺ ne farmaya:” Jo koyi aisa kaam kare jo hamare tariqe ke khilaaf ho, to wo mardud hai”.

Abu Dawood #4606 Saheeh

Is bidat mein bhi do qismein hai.

Ek hai bidat-e-muharramah iski dalil Ala Hazrat ki kitab se mila hai ke muharram mein tajiya banaya jata hai panje nikale jate hai yeh bilkul haraam hai. Aur yeh bhi kaha gaya hai ke yeh log jo kar rahe hai wo bilkul gumrahi hai. Yahan Allahumma Inni As’aluka Al Afiyah Full Dua dekhiye!

Dusri bidat-e-makruha hai. Eid aur jumu’ah ka khutba ghair-arbi zabaan mein karna. Yeh bhi bilkul ghalat hai haraam hai.

3. Bidat-E-Mubaha

Is bidat ke karne mein na sawab hai aur na hi koyi gunah hai. Jaise rail (train) mein safar karna aur khane pine ki chizon mein kushadgi ikhtiyaar karna. Yeh chizein Nabi ﷺ ke zamane mein nahi lekin ab hai. To in sab chizon ka karna bidat hai lekin sawab aur gunah nahi hai.

Kuch log yeh kahte ke yeh bidat hai wo bidat chahen wo khud hi kayi bidayon ko anjam dete hai.

ALLAH ke Nabi ne to kabhi sar par rumal dal kar uspar patti laga kar tu kabhi nahi pahna. To yeh bhi to kapdon ki bidat hai.

Kuch log yeh bhi kahte hai aap naye zamane ke khane khate hai yeh bhi bidat hai. Jab ki use daton se kat kar khana ghalat hai.

Mukhtalif logo mukhtalif nazariya hai. Waise is post ke zariye hamne apke samne bahut sare examples rakhein hai.

Ab aap khud sochen samjhen aur khud un chizon se bachein jo apko ghalat bidat lagti hai.

Buri Bidat Ke Shuru Karne Walon Ka Kya hoga?

Jo deen mein koyi bura kaam nikale use bidat-e-saiyyiyah kahenge.

Aur isi tarah agar koyi deen mein naya kaam nikale aur wo kaam achha ho to usko Ullama bidat-e-hasana se tabeer karte hai.

Misal ke taur par Babul Ehtesham Mishkat shareef mein hadees maujood hai.

Ke Huzur ﷺ irshad farmate hai ke:

Hamare deen mein agar bura tareeqa ejaad kiya to us mujeed ko (yani us bura tareeqa ejaad karne wale ko bhi gunah hoga aur jisne uspar amal kiya use bhi gunah hoga.

Aur jinhone us bure kaam par amal kiya us ek ek ka gunah uske ijaad karne wale par hoga.

Isi tarah farmaya agar kisi ne achha tareeqa ejaad kiya to hoya wo us ejaad karne wale ko bhi sawab hoga aur jetne log us par amal karenge unhe bhi sawal hoga. Yahan Best Islamic Dua For All Purposes dekhiye!

Misaal ke taur par har wo kaam jo kisi sunnat ko khatam karne wala koyi aisa naya kaam ho to use bidat-e-sayyiyah kahenge.

Hadees-e-Mubarika Ka Mafhoom

Tarabeeh ki namaz Nabi Kareem ﷺ ne ba-jamaat ek ya do martaba padhayi.

Ek mauqe par sahaba ekram Ridwan R. A. tarabih padhne ke liye jama the. Lekin Nabi Kareem ﷺ tashreef na laye.

Sahaba ekram Ridwan R. A. ne dusre din puchha ke,

Ya Rasool ALLAH ﷺ !

Goya ham apka intezar karte rahe aur aap tashreef na laye.

To Nabi Kareem ﷺ ne farmaya :

“Maine ise isliye nagah kiya ke kahi yeh tumhare upar farz na kar diya jaye”.

To Huzoor ﷺ ne is gharz se ke kahi taraweeh ummat par farz na kar diya jaye. Aur koyi ise na padhne paye to goya wo farz taree keh layega isliye apne usmein nagah farmaya.

Achhi Aur Buri Bidat Mein Farq

Aur Qutub-e-hadees ki chhan phatak se ye wazaih hoti hai ke Hazrat Umar R. A. ne iska qanoon wazah kiya.

Aur usme 20 rak’at tarabiyon ka apne hukm farmaya, jisme Qur’an majeed padha jata.

Hazrat Umar R. A. ne sahaba ikram Alim Ridwan R. A. ko mukhatib karte huye. Yeh farmaya ke dekho ye ketni achhi bidat hai.

Jiska matlab ye hua ke bidat ki do qismein hai.

Unka yeh kehne ka matlab yeh tha ke agar ke yeh kaam naya hai yani bidat hai, lekin yeh bidat-e-hasana hai.

Misal ke taur pe Qur’an majeed ka jama hona, Qur’an majeed mutabik tafseeron ka likha, Qur’an majeed ko samajhne ke liye:

Uloom-e-sarf ijrah isi tarah uloom-e-lugat ka ijrah. Yahan Dua for Parents dekhiye!

Halanke yeh sari batein nayi hai. Magar ise deen ke samajhne ke liye madad milti hai. Isliye isko bidat-e-hasana kahenge.

Aam taur par logon ne har kaam ko bidat-bidat kaha hai. Aisa unka kehna ghalat hai.

Aisa apne zehen mein bhi ate honge jaise mehfil-e-milaad ho, Nabi Kareem ﷺ ke naam par angothon ka chumne ka masla ho, kisi ke chaliswe ya tije ka masla ho, durood-o-salaam ka masla ho.

Baaz log har chiz ko bidat-bidat keh kar nekiyon se rokte hai.

Bila shuba aise ache aur neki ke kamon ko bidat keh kar rokna na qabil-e-aitbaar hai.

Goya Achhi aur buri Bidat mein yahi farq hai ke buri budat se gunah hoga.

Aur achhi bidat se sawab hoga.

Haraam Aur Bidat Mein Kya Farq Hai?

Quran majeed ke nase qatayi se sabit ho ke yeh kaam na kiya jaye. Usi mumaniyat ho jaise sharab ho, khinzeer ka ghosh ho, soodh ho yeh haraam hai yeh na kiya jaye.

Ya Nabi Kareem ﷺ hukm sharayi hukm maujood ho ke yeh kaam haraam hai yeh kaam nahi karna chahiye .

Bidat ke bare mein to aap jaan hi chuke ke koyi bhi naya kaam achha ya bura jo deen mein laya jaye wo bidat hai.

ALLAH Tabarak Wa Ta’ala ke haraam karar kiye hoye kaam ho haraam hai hi. Nabi Kareem ﷺ ne jise haraam qarar kar diya wo bhi usi tarah haram hai jaise ke ALLAH Ta’ala ne haraam kiya.

Zahir sir baat hai jo Qur’an majeed mein ALLAH ne hukm dia ke nahi karna hai to wo haraam hai.

Ab yahi baat agar Nabi Kareem ﷺ ke irshad-e-mubarika ke mila ho ke nahi karna to wo bhi haraam hai.

Aksar sawal uthte hai ke aap jo milad karwa rahe hai, masjiden saj rahi hai, bayanaat ho rahe hai, jhande lagaye jaa rahe hai, juloos nikale jaa rahe hai.

Kya yeh sab Nabi Kareem ﷺ ne kiya tha?

Ya unke Sahaba ekraam mein se kisi ek ne bhi kiya tha?

To jawab ata, “nahi”.

To phir sawal ata hai ke:

Unhone nahi kiya to aap kyun kar rahe hai? Aisa karna to bidat hai.

Is muamle ko aapko samajhna hoga.

Pahli baat to yeh ke bidat wo kaam hai ke jo Nabi Kareem ﷺ ke jamane ke baad paida huyi.

Yeh baat yaqinan tasleem ki jati hai ke jis tarah aaj ijtimayi taur tareeqe se

  1. Milad kiya jaa raha hai.
  2. Jhande nikale jate hai langar khane ka intijaam hota hai.
  3. Qur’an aur hadees ki baatein bayan kiye jate hai.
  4. Nabi Kareem ﷺ paidaish ke bare mein, unke mubarak zindagi ke bare mein bayan kiya jata hai.
  5. Stage bante hai loudspeaker lagaye jate hai.

Yahan Sadaqah Ki Dua dekhiye!

Aise Aap ﷺ ke daur mein nahi hota tha. Aur na hi aap ﷺ ke sahaba ikram ne aisa kiya tha.

To yeh bidat hai, lekin yeh bidat achhi bidat hai. Phir sawal uthta hai kaise yeh achhi bidat hai?

Kya Aap ﷺ ne kabhi loudspeaker pe bayanat kiye the?

Kya madina mein gumbad aur minaar banaye gaye the?

Kya namazon ki jam’at ke liye auqat (waqt) maqsoos kiye jate the?

Kya Aap ﷺ ne darja bandi muqarrar kiya tha? (Ke pahle yeh padhlo, pehle pare mein yeh rahega dusre mein yeh teesre mein yeh)

Aur kis tarah fatwa-e-Bukhari, Sunan At-Tirmizi, Sunan Ibn Majah waghairah, hoga?

Kya yeh sab Aap ﷺ ke jamane mein tha?

To jawab hai?

“Nahi”.

Phir jab yeh sab buri bidat nahi hai to Milad-e-Mustafa manana buri bidat kaise huyi?

Qur’an hadees ke sath apne pyare Aaqa Hazrat Muhammad ﷺ ko yaad karne ka ehtemaam kiya to isme koun si na-jaiz baat hai?

Lekin agar is roz DJ bajaye jayein, qawwaliyan gayi jaye, bazar lage to ye thik nahi. Auratein aur mard sabhi bazaron aur juloos mein shirkat karen. Ye gunah hai. Is din kya kisi bhi din ye karne ki ijazat nahi di gayi hai.

Ummeed hai apko hamari yeh post behad pasand ayi hogi. Apne pyaron se share karna bilkul mat bhuliyega.

Agar apko post pasand aye to apno se share zarur kijiyega.
अपने प्यारों से शेयर कर सवाब-ए-जारिया ज़रूर कमायें|

Join ya ALLAH Community!

FaceBook→ yaALLAHyaRasul

Subscribe to YouTube Channel→ yaALLAH Website Official

Instagram par Follow Kijiye instagram.com/yaALLAH.in

Apne sawal yahan puchiye!