12 Rabi ul Awal Kya Hai

October 11th, 2021

Fitne ke is daur mein tamam musalmano ko ye janna bahot hi zaruri hai ke 12 Rabi ul awal kya hai akhir? Jise ‘Eid-e-Milad-Un-Nabi’ aur kuch log bara wafat bhi kahte hai.

12 Rabi ul Awal Kya Hai?

'Eid milad-un-nabi

12 Rabi ul Awal Kya Hai Aur Kyon Manate Hain?

‘12 Rabi ul Awwal’ jise ‘Eid Milad un Nabi’ kehte hain ye Islami calendar ke mutabiq Rabiul Awwal ke maah (mahine) mein 12 tarikh ko hoti hai. Chaliye jante hai ke Deen ki roshni mein iski kya haqeeqat hai? Aur sahaba-e-kiraam ke is din ke kya mamool the?

‘12 Rabi ul Awwal’ manana kya yeh Islam mein jayez hai? Ya najayez hai? Hum tafseel se padhenge. Zarur dekhiye→ Shaban Ke Mahine Ki Fazilat

Nabi-e-Kareem ﷺ Ki Seerat Aur Humari Zindagi

Aapka Tazkira Bais-e-Sa’adat

‘12 Rabi ul Awwal’ humare muashare (zamana), humare mulk aur khas kar barre-sagheer mein ba-qayedah ek jashn aur ek tyohar ki shakl ikhtiyar kar chuka hai. Jab ‘Rabiul Awwal’ ka mahina ata hai to sare mulk mein seerat-un-Nabi aur milad-un-Nabi ka ek ghair mutnahi silsila shuru ho jata hai.

Zahir hai ki Huzoor Nabi-e-Kareem ﷺ ka mubarak tazkira itni badi sa’adat hai. Ki uske barabar koyi aur sa’adat nahi ho sakti. Lekin mushkil yeh hai humare muashare (zamane) aapke mubarak tazkire ko is ‘Rabiul Awwal’ ke mahine ke sath nahi.

Balki sirf ‘12 Rabiul Awwal’ ke sath makhsoos (muqarrar) kar diya gaya hai. Aur yeh kaha hai ki choonki ‘12 Rabiul Awwal’ ko Huzoor Nabi-e-Kareem ﷺ ki wiladat huyi. Zarur dekhiye→ Shab e Barat Ki Ibadat Ka Tarika

Isliye aapka youm-e-wiladat (wafat ka din) manaya jayega. Aur isme aapki seerat aur wiladat ka bayan hoga. Lekin yeh sab kuchh karte waqt hum bhool jate hain, ki jis zaat-e-Aqdas Mu’hammad ﷺ ki wiladat ka yeh jashn manaya ja raha hai.

Khud us zaat-e-Aqdas Mu’hammad ﷺ ki kya taleem hai? Aur us taleem ke andar kis qism ka tasawwur maujood hai ya nahi?

Tareekh-e-Insaniyat Ka Azeem Waqi’ah

Isme kisi musalman ko shubah (shaq) nahi ho sakta ki aap Huzoor Nabi-e-Kareem ﷺ ka duniya mein tashreef lana, tareekh-e-insaniyat ka azeem (khas) waqiya hai. Isse zyada azeem, isse zyada masarrat wala, isse zyada mubarak aur muqaddas waqiya is rooh-e-zameen pe pesh nahi aaya.

Insaniyat ko Nabi-e-Kareem ﷺ ki taleemat ka noor mila. Apki muqaddas shakhsiyat ki barkatein naseeb huyin. Yeh itna bada waqiya hai ki, tareekh ka koyi aur waqiya itna bada nahi ho sakta. Zarur dekhiye→ Tera Teji Kyon Manate Hain?

Aur agar Islam mein kisi ka youm-e-paidayish (paidayish ka din) manane ka koyi tasawwur hota, to Huzoor Purnoor ﷺ ke youm-e-paidayish se zyada koyi din is baat ka mustahik (qabil) nahi tha.

Ki usko manaya jaye, aur usko ‘Eid’ qarar diya jaye. Lekin nabuwwat ke bad aap teyis (23) saal is duniya mein rahe. Aur har saal ‘Rabiul Awwal’ ka mahine aata tha.

Lekin na sirf yeh ki aap ne ‘12 Rabiul Awwal’ ko youm-e-paidayish nahi manaya balki aapke kisi sahabi ke khayal mein bhi yeh nahi guzra.

Ki choonki ‘12 Rabiul Awwal’ aapki paidayish ka din hai, isliye isko kisi khas tareeqe se manana chahiye.

12 Rabiul Awwal Aur Sahaba-e-Ikraam

Iske bad Huzoor Nabi-e-Kareem ﷺ is duniya se tashreef le gaye.

Aur taqreeban ek lakh pachees hazar (1,25,000) sahab-e-Ikraam is duniya mein chhor gaye. Sahab-e-kiraam aise the ki, Huzoor Nabi-e-Kareem ﷺ ke ek sans ke badle apni poori jaan nichhawar karne ke liye tayyar the.

Aapke jaan-nisar (jaan dene wale), aap par fida-kaar, aapke ashiq the. Lekin koyi ek sahabi aisa nahi milega jisne ehtimam karke yeh din manaya ho. Zarur dekhiye→15th of Shaban Par Bidah

Ya is din koyi jalsa mun’aqid kiya ho. Ya koyi juloos nikala ho, ya koyi chiragan kiya ho, ya koyi jhandiyan sajayi hon. Sahaba-e-Kiraam ne aisa kyon nahi kiya? Isliye ki Islam koyi rasm-o-riwaz ka deen nahi hai.

Jaisa ki doosre mazhab wale hain, ki unke yaha chand (kuchh) rasmo ko ada karne ka naam deen hai. Jab wo log ye rasmein ada karlein to bas phir chhutti ho gayi, balki Islam amal ka deen hai.

Aur hum musalmano par ye farz hai ki paida hone se marte dam tak har insan apni islah ki fikr mein laga rahe. Aur Huzoor Purnoor Nabi-e-Kareem Mu’hammad ﷺ ki sunnat ki ittiba (ita’at) mein laga rahe.

Milad-un-Nabi Ki Shuruat Kab Huyi?

ALLAH Ta’ala insani nafsiyat aur uski kamzoriyon se waqif hai. ALLAH Ta’ala yeh jante the ki agad usko zara si shosha (chhoot) di gayi. To kahan se kahan baat pahunchegi. Isliye kisi din ke manane ka koyi tasawwur nahi rakha.

Jis tarah ‘Christmas’ ke sath huya, usi tarah yaha bhi huya ki kisi badshah ke dil mein khayal aa gaya.
Agar apko post pasand aye to apno se share zarur kijiyega.

Ki jab isayi log Hazrat ’Eesa ’Alayhis Salam ka youm-e-paidayish manate hain. To hum Huzoor Nabi-e-Kareem ﷺ ka youm-e-paidayish kyon na manayein?

Yeh keh kar us badshah ne milad ka silsila shuru kar diya.

Shuru mein yahan bhi yehi hua ki milad hua jiske Huzoor Nabi-e-Kareem ﷺ ki seerat ka bayan hua. Naat padhi gayi. Lekin ab dekhlein ki baat kaha tak pahunch gayi hai.

‘12 Rabiul Awwal’ ko milad ka silsila shuru hua tha. Jo ki ab fitne aur fasad aur ghair shara’yi rasm riwaz mein tabdeel ho chuka hai. Nabi-e-Kareem Mu’hammad ﷺ ke youm-e-wiladat ke din jashn manana, juloos nikalna.

Aur dj ka bajna wo bhi remix mein bajna. Yeh tareeqa to Islam ka nahi hai. Han gunah ka mujeeb (qubooliyat) zaroor hai. Nabi-e-Kareem Mu’hammad ﷺ se mohabbat zahir karne ke liye humein yeh fitne karne ki to qatayi (bilkul) zaroorat nahi hai.

Nabi-e-Kareem Mu’hammad ﷺ Ki Ek Khas Hadith Jisme Aapke Aala Martabe Ka Zikr Hai

ALLAH Ke Habeeb Mu’hammad ﷺ ne farmaya:

“Jisne meri ita’at ki, usne ALLAH ki ita’at ki. Aur jisne meri nafarmani ki usne ALLAH ki nafarmani ki.”

[Sahih Bukhari Hadees #7137]

ALLAH ko raazi karne ka rasta bohot asan hai. Ki hum uske Nabi ki ittiba (ita’at) karein.

Unki chhoti-chhoti sunnaton ko apne rozmarra ke zindagi mein layein. Isse humari duniya aur akhirat dono behtar hogi. Aap Huzoor Nabi-e-Kareem Mu’hammad ﷺ ke bataye raste par chalke khud ko ALLAH ke narazgi se bachalein.

Lekin logo ne to Nabi-e-Kareem Mu’hammad ﷺ ke youm-e-wiladat ko jashn aur youm-e-paidayish ko fitne aur gunah mein tabdeel kar diya hai.

Yeh Tareeqa ‘Ghair Islami’ hai.

Aur aisa karne se gunah ke ilawa kuchh hasil na hoga. Hum Nabi-e-Kareem Mu’hammad ﷺ ki ummat hain. Aur agar humein unse mohabbat hai. To hum unke raste pe chalkar neki kamayenge.

Humein ek din ke jashn karne ki jo gumrahi hai aur gunah hai. Iski zaroorat nahi hai. Han hum apni akhri sanso tak apne Nabi-e-Paak Mu’hammad ﷺ ke naqs-e-qadam par chalne ki poori koshish karenge.

Hum unki tamam sunnato ki pairwi (follow) karenge jisse ke ALLAH humse raazi ho jaye. Aur agar hume apne Nabi Sarkar Mustafa Mu’hammed ﷺ se mohabbat hai. To hum namaz qayem karenge.

Ghareebon ki madad karenge.

Aapke tamam nek amaal ko apni zindagi mein lane ki koshish karenge. ALLAH hume hidayet de aur aise gunaho se gumrahi se bachaye. Jo Roz-e-Hashr ALLAH ki narazgi ka sabab banegi.

Ameen ALLAHumma Ameen.

Join ya ALLAH Community!

FaceBook→ yaALLAHyaRasul

Subscribe to YouTube Channel→ yaALLAH Website Official

Instagram par Follow Kijiye instagram.com/yaALLAH.in

6 Comments

  1. Sajida on said:

    Aslaamualaikum brother, I have been trying to contact you on various occasions on Facebook with no luck. Do you have a number I can contact u via WhatsApp?

  2. mehak gull on said:

    imran bhai ma bhtt pareshan hn rishta psnd krgay tha mra larka ,mjja bht psnd hy mgr jawab ni ara unki trf sy larka UAE hota 2 bar a chuka hmara ghr larka khud b aya plz mjha btayn kia krn

  3. Saeeda on said:

    Apsy ijazat chahe ya wahabud ky wazify k. Or ek bat bhi pochni hai ky wazify ki ijazat lye bagir nai kr sakty hai??

    • Sis aap follower hain to kisi bhi jaiz maqsad ke liye wazaif kar sakti hain

Apne sawal yahan puchiye!